Deputeti i Partisë Demokratike në Durrës Ferdinand Xhaferri, në një emision televiziv ka debatuar me Frrok Çupin për situatën në PD. Xhaferri është shprehur se çdo individ që do që PD-ja të ecë para, duhet bëje presion që Berisha të bëje hapa pas, por nga ana tjetër analisti Frrok Çupi tha se PD duhet ta heqë plotësisht historinë e zezë në kuptimin që Berisha të përjashtohet plotësisht.
Ai i ka bërë thirrje deputetëve që të mos kërkojnë zgjidhje nga SHBA, pasi Berisha krimet i ka bërë në Shqipëri e jo në Amerikë.
Xhaferri: Fakti që sot bëhet ky emision tregon se pritshmëria është tek PD, kjo është ajo çfarë do publiku.
Sokol Balla: Ne presim zgjidhje nga ju por ju nga e prisni?
Xhaferri: Kur dëgjova kur tha se zonja Kim po influencon Gjykatën. Kjo gjë është për tu vlerësuar sepse i thirri zonjë. Çështja që ne kemi për të zgjidhur është se Berisha nuk e çon PD-në gjatë fitores. Rama tregoi se sa i kishte djegur raporti i DASh sepse tha se ishte copy paste. Raporti godiste tek themeli i zgjedhjeve. Nga ana tjetër kemi non gratat. Unë kompleks kam vetëm tek anëtarët e PD, për Berishën nuk kam patur në 2008 jo tani. Tani janë 6 mandate të provuara deputeti.
Çupi: Xhaferri në diskursin tuaj keni kapërcyer realitetin dhe vazhdoni të krijoni PD-në si Iluzion. Po kapërceni qëndrimin e PD-së ndaj Amerikës. Ju e doni dhe Berishën dhe PD-në.
Xhaferri” I gjithë problemi është që Berisha të bëje një hap mbrapa. Pra çdo individ i përgjegjshëm që do që e djathta të ecë përpara duhet të bëje presion që Berisha të bëje një hap mbrapa
Çupi: PD duhet të heqë historinë e zezë. Nëse nuk keni bërë këtë nuk mund të ‘mbillni asnjë pemë’. Berisha nuk e ka vërë krimin në Amerikë që ta ndjekë Amerika. E ka bërë këtu.
