Avokati Idajet Beqiri foli për ngjarjen që tronditi kryqytetin disa javë më parë,
Vrasja e shtetases ganeze nga partneri i saj shqiptar, 26 vjeç tronditi Tiranën disa javë më parë.
Lidhur me këtë ngjarje të rëndë, avokati Idajet Beqiri tha se ka në dorë kamerat e sigurisë së pallatit ku u vra e reja, teksa shtoi se askush nuk ka shkuar ti marrë ato.
“Unë jetoj te pallati ku u vra vajza nga i dashuri, në katin e katërt. Në katin e shtatë ndodhi ngjarja e rendë. Ngjarja ka ndodhur ditën e shtunë dhe unë nuk isha të shtunën, isha në Voskopojë atë ditë. Ngjarjen e mora vesh nga telefoni. Të nesërmen jam kthyer dhe e kam pare ngjarjen makabër që kishte ndodhur.
Kur erdha në dy kate ishte larë gjaku i vajzës. Kishte gjak kudo, nuk kam parë një skenë të tillë, a thua se ishte therur ndonjë bagëti e madhe. Gjaku në katin e shtatë kishte lyer murin, në të gjitha katet kishte gjak, deri në dalje. Vajza i ka zbritur shkallët vetë, deri te hyrja më pas e ka marrë ambulanca, ka qenë gjallë, edhe rrugës ka qenë gjallë.
Nëse do të ishim si qytetarët evropianë, që të jepej alarmi që kur është dëgjuar zhurma, të njoftohej ambulanca, që ti jepej ndihma që në katin e shtatë ku ishte ose në të pestin. Nuk është pak të ecësh në shtatë kate pallati. Hetimet për vrasjen e vajzës vazhdojnë. E vërteta del, kur hyri vajza në pallat, me kë hyri, sa qëndroi brenda, kur doli, si doli, si i ka zbritur shkallët, kush e ndihmoi kur doli jashtë, ardhja e ambulancës, e policisë, kamerat i kam unë, i kam thënë edhe prokurorit të çështjes.
Jam i vetmi që kam kamerat. Nuk erdhi njeri ti merrte. I thashë dhe prokurorit që të vijë dikush ti marrë. Ky është problem në vendin tonë, qëndrimi i policisë ndaj krimit dhe kriminelëve”, tha Beqiri i ftuar në Shqip në Dritare Tv.
