Një ngjarje e rëndë është regjistruar në Greqi, ku një 41-vjeçar është vrarë me armë zjarri teksa po kthehej në shtëpinë e tij.
Sipas mediave të huaja, burri me origjinë gjeorgjiane është qëlluar të paktën 4-5 herë para vajzës së tij të mitur dhe bashkëshortes.
Autoritetet tashmë janë vënë në kërkim të autorit, i cili lëvizte në këmbë dhe ishte veshur me të zeza. Nga informacionet e para dyshohet se bëhet fjalë për larje hesapesh, ndoshta dhe “vrasje e urdhëruar” nga jashtë shtetit. Atentati ndodhi në Moskato dhe ka shokuar banorët e zonës.
