Historia e një vajze e cila kishte sjell në emisionin “Dua të të bëj të lumtur” nënën e saj që kishte vuajtur nga një sëmundje e rëndë na ka dhuruar emocione pafund. Vajza kishte vendosur ta suprizonte të ëmën duke i sjell këngëtaren Irma Libohova.
Nga historia e saj është përlotur edhe moderatorja Arbana Osmani e cila e prekur, si rrallëherë ka ndarë me publikun një histori të nënës së saj.
“Nëna ime u diagnostikua me kancer. Mbaj mend që isha shumë e vogël në atë kohë dhe e vuajta shumë atë gjendje të nënës sime. Unë doja të dëgjoja vetëm një fjalë prej saj, doja të më thoshte që do ishte mirë dhe që do luftonte për ne, këtë dua t’i thuash edhe ti vajzës tënde që ke përballë, fëmijëve të tu”, tha e përlotur moderatorja.
