Ndërsa presidenti Ilir Meta kërkon arrestimin e gazetarit Adriatik Doçi, i cili ka bërë disa shkrime për skandalin me pasaportat shqiptare, Anila Basha ka reaguar për të mbrojtur Tedi Blushin, i cili, sipas saj, po sulmohet nga mediat.
“Kam punuar gjatë me Tedi Blushi. Kur isha kryeredaktore e ai gazetar. E konfirmoj zyrtarisht përsa e njoh se Tedi nuk vret dot një mizë, jo të kërcenojë dikë.
I bëni “stop” këtyre sulmeve të paprecedenta mes atyre që e konsiderojnë vërtetë titullin e gazetarit.
Kjo nuk i shërben komunitetit tonë, i shërben veç zyrtarëve të veshur me kollare e pushtet”, shkruan Basha.
Asaj i është përgjigjur vetë Adriatik Doçi:
“Etika, ndershmëria dhe profesionalizmi i saj në gazetari është: Kush jep sufllaqen më të madhe dhe me më shumë pite, tek pite, dopjo pite apo me pite të shumfishta.
Në rrethet politike, të biznesit dhe gazetarisë njihet si një gjobëvënëse ordinere shkruan mes te tjerash Doci me nje gjuhe te ashper.
Bën moral për gazetari të pavarur, ndërkohë që vetë merr pagë në Bashkinë e Elbasanit, si këshilltare në distancë shkruan gazetari.
“Aktualisht pastron para gjobash me refikët e saj, duke bërë bilance të rreme, në një portal mediokër dhe anonim që ka hapur (dosja do dalë në vijim)
Sot i doli në mbrojtje Dele-Bilushit, të cilin po e përdor Ilir Meta si çizme, në përpjekjet e tij për të mbuluar me baltë pazarin me dhënien e nënshtetësive.
Unë nuk kam nevojë për mbrojtje.
Kolegët gazetarë, në vlerësimin tim 95 % të ndershëm, kanë të drejtë të mbajnë qëndrime kundra ose pro një gazetari që ka invetiguar dhe treguar me fakte pazaret e një prej pushteteve në Shqipëri, siç është Presidenca.
Pro ose kundra shantazhit presidencial ndaj gazetarisë kritike.
I mirëkuptoj.”, shkruan mes te tjerash Doçi.
