Për të gjithë kuriozët, sot u mësua se çfarë pret të vijë në jetë Andresa Ambrosio, një nga shoqërueset e Ardit Gjebresë te “E Diela Shqiptare”.
Andresa është në muajin e gjashtë të shtatzanisë.
E ftuar në emisionin ‘Rudina’ në ‘Tv Klan’, ajo ka treguar për emocionet e shtatzënisë dhe po ashtu ka zbuluar gjininë e të voglit.
Në një skenë të krijuar enkas për Andresën me tullumbace blu dhe rozë, ajo ka plasur një tullumbace plot me pikëpyetje nga e cila dolën shirita dhe një tullumbace blu. Pra Andresa do të bëhet mami i një djali…
PJESË NGA BISEDA:
BISEDA:
Andresa Ambrosio: Unë preferoj emrin Rafael, sepse është emri i një shoku që nuk jeton më.
Rudina Magjistari: Do donit që në kujtim të tij t’i vendosnit këtë emër në qoftë se do jetë djalë?
Andresa Ambrosio: Po. Nëse do jetë vajzë, Mirko është i vendosur ta ketë emrin Sofia Adriana.
Rudina Magjistari: Po nga Telebingo je tërhequr?
Andresa Ambrosio: Po për këtë moment jam e lirë…
Rudina Magjistari: Sigurisht se ky është një moment që do ia dedikosh bebit. Po mami si ka reaguar?
Andresa Ambrosio: Mami thoshte, po, jo, Andresa mos bëj shaka të lutem. Ndërsa tani që ka 5 muaj është o Zot-o Zot.
Rudina Magjistari: Ke menduar ta lindësh këtu?
Andresa Ambrosio: Më përpara mendoja këtu, por Mirko do në Itali, për mua, dua këtu.
Rudina Magjistari: Ke bërë plane për mënyrën e të lindurit?
Andresa Ambrosio: Dua ta bëj në mënyrë natyrale, por doktori më sugjeron operacion.
Rudina Magjistari: Operacion që tani?
Andresa Ambrosio: Po, sepse nuk jam shumë e re.
