Aktorja e mirënjohur e Estradës së Durrësit dhe Kinematografisë Shqiptare, Aishe Stari ishte e ftuara e radhës në rubrikën Galeri.
Mes rrëfimeve, aktorja tha se ishte shkuesi i martesës së Fadil Hasës dhe shumë kolegëve të tjerë.
Ajo tha se e njihte aktorin që në gjimnaz, ku vijonin shkollën bashkë.
Aishe Stari: Unë jam shkuesi i Fadilit i pata dhënë një gocë shumë punëtore, me një tip si Fadili se ai ishte çik tip i vështirë, ajo qe tamam, kapele për kokë. Pata nigju pas vdekjes së të shoqes që Fadili do me u martu, unë shkova e thërrita nga shtëpia e vet, zbrit njëher poshtë i thash. Qyqa i thash ti do me u martu? ‘Qyqa mi Ishe’. E pra i thashë unë kujtova se ke lujt menç. Se ngaqë e njihja, jo çdo grua mund t’i përshtatej atij. E kam pas në gjimnaz, ka qenë tip i shkathët, gallataxhiu, përgjithësisht pozitiv.
Ed Manushi: E more atë dhuratën meqë bëre shkuesi?
Aishe Stari: S’e mbaj mend se unë në teatër kam bërë disa shkuesi, një ditë pati thënë të ngrihemi ne që na ka martu Ishja dhe t’i ngremë një monument se na ka rehatu.
