Nga Myslim Pashaj
Titulli i këtij shkrimi mori shkasë nga një emision në Top-Channel, ku ishte thirrur z. Shpëtim Idrizi, kryetar i PDIU-së. Ai ishte në një bisedë televizive.
Partia e tij ka edhe tipare kombëtariste, kështuqë lënda politike që vjen nga kufijtë detarë, në jug, kuptueshëm, është e rendit të parë. Po nuk është fjala vetëm këtu.
E themi këtë, se z Idrizi e mban pothuajse në sqetull një libër të z Shaban Murati si të ishte vet Bibla, një libër i shkruar bukur, me një fabulë dhe intrigë, që lexohet, të cilin edhe unë e kam lexuar, por kërrkund nuk gjeni kufij të delimtuar, ndërkombëtarisht por vetem tre fraza orjentuese gjeografike mbi shtrirjen e Kanalit të Korfuzit.
Ngado që të shkoni, kudo që të jeni nuk mund të gjeni kund, një pakt, marrëveshje a shfardo qoftë afër saj, që të rrëfejë se në 118 km gjatësi të të dy njësive detare, Ngushticës së Otrantos dhe Kanalit të Korfuzit të ketë një kufi detar të përcaktuar teknikisht, sipas Ligjit të Detit, nga të dy shtetet, Shqipëria dhe Greqia, nën Emblemë të së Drejtës Detare Ndërkombëtare, që të që të pasqyrojë brenda një Sistemi Koordinativ Gjeografik Ndërkombëtar, si delimitim, e kjo të ketë gjasë të ndodhet dikund në arkivat e Sekretarisë në OKB, në Greqi, në Shqipëri apo në ndonjë Institucion Detar Ndërkombëtar. Nuk ka!
Në arkivin e Gjykatës Kushtetuese do të gjeni përgjigjen e Juristëve të Kryeministrisë, Presidencës, Ministrisë së Jashtme, Minitrisë së Mbrojtjes, ku zyrtarisht kanë deklaruar se nuk ka kufij detarë të përcaktuar ndërkombëtarisht.
Kanë ndodhur aq shumë gjëra muajt e fundit, për marrëveshjen e detit dhe zgjerimin e Greqisë nga 6 në 12 milje detare, sa që nuk e di se pse do t’i duhej një kryetari partije, t’i drejtohet kufijëve të paqënë, për të cilët po bëhët aq shumë diskutim dhe nuk gjendet dot zgjidhje!
