Njëmbëdhjetë vite në përjetësi Kapedani ynë!

Kujtojmë ditën e ndarjes nga jeta, aktorin e shquar të skenës dhe ekranit, ‘’Artistin e Popullit’’, Albert Verria🕯🙏
.
Albert Verria ka lindur në 3 shtator 1936, në qytetin e Fierit. Në vitin 1963, diplomohet në Shkollën e Lartë të Aktorëve ‘’Aleksandër Moisiu’’, në Tiranë.
Nga ky vit, për mëse tri dekada, Albert Verria, do të ishte një nga aktorët kryesorë të trupës së teatrit ‘’Petro Marko’’ të Vlorës, në skenën e të cilit do të interpretonte më shumë se 100 role.
🎬Por talenti i tij do të shkëlqente kryesisht në kinematografi, ku do të interpretonte me sukses në rreth 25 filma artistikë dhe televizivë.
I shquar kryesisht si aktor i zhanrit të karaktereve, ai do të skaliste në mënyrë të veçantë me mjeshtërinë e tij një sërë personazhesh, përfshirë edhe atë më të njohurin, Sulon në filmin ‘’Kapedani’’.
Edhe pse në moshën 32 vjeçare, aktori Albert Vërria i dha jetë figurës së një të moshuari që do të mbahet mend gjatë.
🔖Për merita dhe kontribute në fushën e teatrit dhe të kinematografisë, Albert Verria, është vlerësuar me çmime të ndryshme, përfshirë edhe titujt🔖:
“Artist i Popullit”, ‘’Artist i Merituar’’, ‘’Nderi i Qarkut Fier’’ dhe ‘’Qytetar Nderi’’ i Vlorës.
.
U nda nga jeta në 17 gusht 2015
.
𝑲𝒂 𝒍𝒖𝒂𝒋𝒕𝒖𝒓 𝒏ë 𝒇𝒊𝒍𝒎𝒂𝒕:
.
“Historiani dhe kameleonët” (1988)
“Trapi i Vjetër” (2005)
“Misioni përtej detit” – (1988)
“Në emër të lirisë” – (1987)
“Rrethimi i vogël” – (1986), shoku Kopi
“Melodi e pandërprerë” – (1985) bariu
“Ditë të qytetit tim” – (1982)
“Agimet e stinës së madhe” (1981), Soll Lili
“Dëshmorët e monumenteve” (1980), Tasi
“Përtej mureve të gurta” – (1979), babai i Asimesë
“Koncert në vitin 1936” – (1978), Nuri Beu
“Nga mesi i errësirës” – (1978) , Ibishi
“I treti” – (1978), Saliu
“Thirrja” – (1976), Lec Kabashi
“Në fillim të verës” – (1975), Kaporal Pelegrini
“Shtigje të luftës” – (1974), Jani Ferra
-Shpërthimi – (1974) xha Kasemi
“Brazdat” – (1973), babai Ademit
“Operacioni zjarrit” – (1973), Hiluku
“Kapedani” – (1972), xha Sulo
“Kur zbardhi një ditë” – (1971), Bakalli
“I teti në bronz” – (1970), Alo
“Përse bie kjo daulle” – (1969), i dehuri.