55 vjet pa aktorin Bexhet Nelku, i cili është ndarë nga jeta më 21 nëntor të vitit 1970, në moshë shumë të re
Lindi në Tiranë në vitin 1937. Në shtator të vitit 1963, pas diplomimit, pranohet aktor në Teatrin Kombëtar. Provën e parë të suksesshme Bexheti në Teatrin Kombëtar e kishte dhënë që në vitin 1957 me interpretimin e tij në dramën “Orët e Kremlinit, kur ishte ende nxënës në Liceun Artistik “Jordan Misja”.
Bexhet Nelku për pak vite artistike arriti të realizojë shumë role.
Gjatë viteve 1963 – 1970 Bexhet Nelku interpretoi në 20 pjesë, pra në tre role në vit, shto këtu edhe disa role në filmin artistik, që ishte në hapat e para të tij.
Nder rolet me te suksesshme te tij mund te permendim , priftin ne “Cuca e maleve” , Muhameti ne “Fytyra e dyte”; ne pjeset “I pazevendesueshmi” , “Shoket”; “20 ditet”; “Mbreti Lir”; “Muri i madh i pakapercyeshem”; “Tre te shtena pushke”. Ndersa ne filmin artistic ndonese ne pak role ai mbahet mend ne “I teti ne bronz” ne rolin e mesuesit” dhe mbi te gjitha tek “episodi “Ura” ne “Kur zbardhi nje dite” ne rolin e kapitenit gjerman, rol qe e luan i semure.
Bexheti ka dhënë një kontribut të veçantë si pedagog në ILA i të folurit skenik, kur edhe vetë dallohej si një nga aktorët më të mirë të të folurit skenik. Më 21 nëntor 1970 u nda nga jeta pas një sëmundjeje të rëndë.
