𝗔𝗻𝗱𝗼𝗻 𝗣𝗮𝗻𝗼 lindi në Stamboll më 23 prill të vitit 1921. Pasi mbaron shkollën fillore, vazhdon studimet Normalen e Elbasanit me prof A. Xhuvanin.
Gjatë luftës, mori pjesë në radhët e rezistencës dhe ishte pjesëmarrës që në krijimin e teatrit partizan në Maj 1944. Pas çlirimit të vendit në vitin 1945, ai ishte ndër të parët që ka marrë pjesë në komisionin për krijimin e Teatrit të Shtetit.
Pas specializimit të tij në Bashkimin Sovjetik, rikthehet sërish në Teatrin Kombëtar dhe për disa vite rresht interpretoi me mjeshtëri disa role që ishin jo vetëm kulmet e tij, por edhe të vetë teatrit.
Kështu përmendim pjesët: “Topazi”, “Martesa”, “Invadimi”,”Gjergj Dimitrov”, “Halili dhe Hajria”, “Tartufi”, “Prefekti”, “Revizori”, “Shtatë Shalianët”, etj. Për një periudhë ai ishte edhe drejtuesi i Teatrit Popullor dhe i Teatrit të Kukullave, ku edhe shkruan pjesë për këtë teatër.
Z. Pano është “Laureat i Çmimit të Republikës” (1955), si dhe është nderuar edhe me çmime e të tjera, ndër to edhe “Artist i Merituar”.
