Astrit Çerma festoi 76 vjetorin e lindjes

Astrit Çerma u lind në Elbasan në 2 prill te vitit 1949. Aktor i njohur, një nga figurat më të rëndësishme të Teatrit “Skampa” të Elbasanit. Studioi për aktor në Tiranë dhe pas studimeve u rikthye në qytetin e lindjes.
Menjëherë fillon një karrierë të vrullshme dhe të suksesshme në kinema, duke interpretuar me profesionalizëm qysh në filmin e parë “Brazdat” (1973). Në vitet ’70 luan disa role protagoniste, si në filmat “Në fillim të verës” (1975), “Ilegalët” (1976), “Thirrja” (1976), “Fije që priten” (1976), “Ata ishin katër” (1977) etj. Fillimisht kur ishte student u emërua në Teatrin e të rinjëve, krijuar nga K.Spahivogli, bashkë me G. Kamen, R. Ndrenikën etj. Ka luajtur në 70 role në teatrin e Elbasanit me aktorë të nderuar si D.Hyskja, Sh.Shmili. me regjisorin e talentuar S.Dunin.
Në vitin 1976 shkruan dramën “Hakmarria e madhe” që u vu në skenë nga Xh. Bilali ku është marrë vetë dhe me regjinë ku ka vënë mbi 20 premiera në skenë. Është propozuar njëherë për çmimin e republikës dhe dy herë për titullin Artist i Merituar që ja dhanë vetëm në 27 nëntor të vitit 1992.
Në festivalin e parë të filmit 1976, në rolin e Shpëtimit fiton medaljonin e festivalit.1989 fituan vendin e parë në festivalin e teatrove në Tiranë me komedinë “Sa shumë gjethe të thata” të P. Kullës me regji të S. Dunit, ku kishte rolin kryesor. Në vitin 1991 deri në vitin 1992 ka qenë drejtor i teatrit “Skampa” të qytetit të Elbasanit ku më pas jep dorëheqjen dhe do të rikthej përsëri në vitin 1996. Nga viti 1991 deri në vitin 1998 ka qenë dhe regjisor i teatrit ku ka vënë mbi 12 pjesë.
Ne vitin 1995 me trupën e teatrit realizuan filmin “Hajdutët” që në ate kohë gazetat e quajtën si filmi i parë privat ku Astriti është regjisor dhe aktor. Përsëri në vitin 1996 luan tek filmi maqedonas kroat hungarez “Pertej liqenit” bashkë me aktorin e mirënjohur Birçe Hasko. Astrit Çerma ka shkruar dhe komedinë “Qytet rrethimi” për ngjarjet e 97-tës ku është vënë në skenë nga teatri, ka qenë një nga komeditë më të suksesshme ku morën pjesë dhe në festival dhe aritën të marin dhe çmim.