Pranvera Veizi Lumani (lindur në Berat më 13 maj 1965) është aktore shqiptare. Ka interpretuar disa role në estradën e Beratit e më pas të Tiranës. Në kinematografi është evidentuar me disa role karakteresh, duke filluar nga viti 1985.
Eshtë një ndër aktoret që pikasi në vitet 80 në sajë të lirshmërisë e origjinalitetit. Pranvera Veizi pati periudhën më të suksesshme të karrierës së saj pas viteve 90’, ku ishte e pranishme në pothuajse çdo komedi të trajtuar asokohe, e po ashtu edhe në grimcat humoristike që realizoheshin në programin e fundvitit në RTSH.
Por pikërisht kur Vera ishte në kulm të karrierës së saj, bashkë me bashkëshortin kompozitorin e njohur Valentin Veizi, dyshja emigroi në SHBA për një jetë më të mirë.
Aktorja zgjodhi të mos shfaqej më në asnjë rol kinematografik, duke ju përkushtuar rritjes së fëmijëve shumë larg Shqipërisë, përtej Oqeanit.
Filmi “I love Tropoja”, duket se solli në ekran pas shumë vitesh aktoren Pranvera Veizi. I gjithë kasti i filmit ishin të ftuar këtë të mërkurë në Soiree, duke rrëfyer prapaskenat e filmit.
Ndërkohë për brezin që e njeh aktoren Veizi, nostalgjia ishte e madhe dhe me siguri kthimi i saj në skenë ka gëzuar pa masë simpatizantët e saj.
Bashkëshorti i saj është kompozitori Valentin Veizi dhe tashmë jetojnë në SHBA.
Filmat
Pushime në Romë (1995)
Një vitë i gjatë (1987)
Eja (1987)
Dasëm e çuditëshme (1986)
Kur hapen dyert e jetës (1986)
Në prag të jetës (1985) si Blerta
Nxënësit e klasës sime (1984) si Liliana
