Aktori i njohur Alfred Trebicka, ka qenë pak ditë më parë i ftuar në RTSH, bashkë me të shoqen.
Mes të tjerave ai ka folur edhe për gjëndjen e artistëve në vend dhe pagesat e tyre.
I pyetur me ironi nga drejtuesi i emisionit, se ata paguhen shumë, Trebicka tha me ironi se është e vërtetë, madje ata nuk dinë ku t’i çojnë gjithë ato para që marrin.
“Po është e vërtetë që ne paguhemi mirë.
Paguhemi aq mirë, sa nuk dimë ku t’i çojmë lekët”, tha ai me ironi.
Ndërkohë, ai foli dhe për ata që sot quhen artistë, duke thënë se bëhen të famshëm duke bërë ndonjë video të çuditshme në banjë.
“Tani futen në mender halenë që kanë në shtëpi dhe bëjnë çudira.
Dhe na i hedhin në Tik Tok pastaj dhe thonë ky është realiteti.
Se çfarë talenti ka në hale, une s’e di”, tha aktori i njohur.
