Një çift nga Florida e SHBA-ve, është martuar “Live në Facebook”. Ceremonia u realizua në dhomën e ndenjes, pasi martesa e tyre e ëndrrave u anulua për shkak të shpërthimit të koronavirusit. Daphne Houjon, 25 vjeçe dhe partneri i saj Chris, 35 vjeç, kishin vendosur paraprakisht që dasmën e tyre ta realizonin në një ambient të hapur në natyrë, në Florida.
Por SHBA është kthyer në vatrën kryesore të koronavirusit në botë, dhe ata nuk mundën që ta realizonin sipas dëshirave të tyre. Megjithatë ata vendosën që ceremoninë te realizonin “Live në Facebook” dhe të pranishëm ishin 250 miqtë e tyre.
“Ne thjesht donim të martoheshim me çdo mënyrë, dhe thamë pse jo, një mundësi e mirë do të ishte Live në Facebook. Ishte një moment shumë i veçantë. Për të ruajtur traditën ne u veshëm në dhoma të ndryshme”, tha Daphne.
Çifti gjeti dhe momentin e duhur për të realizuar dasmën sepse disa ditë ditë para se ato të kurorëzonin dashurinë e tyre, SHBA shpalli bllokimin kombëtar.
“U martuam disa ditë para se të njoftohej bllokimi, por gjithsesi kishte kufizime të udhëtimit dhe shumë persona ishin konfuzë për të lëvizur kudo. Ne ishim mjaft me fat, sepse gjithçka filloi të mbyllet me të vërtetë pas dasmës tonë”, u shpreh Daphne.
Sakaq, Chris kishte planifikuar që ceremoninë ta zhvillonin në një ambient të hapur, me shumë të ftuar. Ndërkohë për muaj mjalti kishin vendosur për të vizituar Bahamas-in dhe Meksikën. Udhëtim ky që janë detyruar për ta shtyrë në shtator.
“Planifikimi i dasmës ishte bërë, por gjendja e krijuar më vendosi në një gjendje stresuese, kaotike. Kështu që është më mirë ta harrojmë atë dhe të përqendrohemi tek njëri-tjetri”, tha Chris.
