Nëse keni shkuar në shkollë në çdo kohë në vitet 2000, me siguri ju kujtohet se keni parë korridore të mbushura me çizme UGG, xhupa ROZË (me jo më pak se dy bluza poshtë) dhe modelin e flokëve “pouf”.
Tani, ne mund të zotohemi të gjithë që jemi në një rikthim të ri të këtyre elementëve të fashion-it; UGGS janë rikthyer, pa dyshim, roza po e po, por gjithashtu edhe modeli i flokëve “pouf”.
Mos besoni vetëm fjalën tonë: shikoni Jennifer Lopez, Meredith Duxbury dhe Bella Hadid. Java e Modës në Paris, në fillim të këtij muaji, u bë shpejt vendlindja jozyrtare e fushatës “Bring Back the Pouf”, me modelen e Victoria’s Secret, Nadine Leopold, dhe Nicola Peltz Beckham, duke kombinuar veshjet e tyre pikërisht me këtë model flokësh…
Por ne duhet të pranojmë se shumica e këtyre modeleve nuk janë ato të vjetra, ballore dhe qendrore, që kemi debutuar në shkollat e mesme të shumë viteve të hershme. Është më moderne, e përditësuar dhe, guxojmë të themi, edhe model disi më elegant.
Ne folëm me një stilist për të marrë këshilla të ekspertëve për të sjellë trendin e flokëve në vitin 2023.
Modeli i flokëve “Pouf”
Pra, “pouf” është rikthyer. Por ju nuk dëshironi të dukeni sikur jeni ajo e 20 viteve më parë, prandaj ka mënyra për ta modernizuar. “Ne po shohim që “pouf”-et të kthehen në një mënyrë më të relaksuar dhe më të këndshme”,- thotë stilistja e flokëve Sophie Sugarman për “Popsugar”.
Nëse ju kujtohet, “pouf” origjinal ishte një fryrje flokësh shumë e dukshme, por nuk është më kështu. “Nuk ka nevojë të shkojmë aq shumë”,– thotë ajo. “Versioni 2023 i “pouf” është më delikat.”
