Në Shtetet e Bashkuara të Amerikës ditën e djeshme u mbajt ceremonia e dasmës së vajzës së ish-presidentit amerikan, Donald Trump, Tiffany Trump.
Tiffany Trump është vajza e ish-presidentit amerikan nga martesa e tij e dytë me Marla Maples.
E veshur me një fustan të bardhë me xhevahirë dhe me mëngë të gjata, Tiffany ka shkëlqyer në paraqitjen e saj të parë si nuse.
Tiffany, 29 vjeçe, po kurorëzon dashurinë e saj me martesë me të fejuarin Michael Boulos, 25 vjeç, të cilët u njohën gjatë pushimeve në Greqi në vitin 2018.
Mes shumë të ftuarve në dasmën përrallore, në ceremoni po merr pjesë edhe një shqiptar.
Në dasmën përrallore, mes të ftuarve ishte edhe Politikani i njohur, njëherësh ish-Presidenti i Kosovës, Behgjet Pacolli.
Pacolli në rrjetet e tij sociale ka postuar një video ku shihet duke biseduar me Donald Trump gjatë hyrjes në ceremoninë martesore.
Në Facebook ai ka shkruar: “I nderuar të jam sonte në rezidencën e Ish-Presidentit amerikan, Donald Trump, në Mar-a-Lago, ku jam i ftuar në dasmën e madhe të Tiffany dhe Michael”.
Behgjet Pacolli
22 hours ago
Pas 26 vitesh u ktheva dje në Miami, ku gjatë viteve ’90 dhe deri në vitin 2002 isha rezident dhe kisha një shtëpi. Ishte mbresëlënëse të kthehesha në këtë qytet të bukur, por këtë herë jo si rezident, por si i ftuar në eventin më të rëndësishëm të ditës, në dasmën e miqve të mi Michael dhe Tiffany, të cilët janë mysafirë të mi të shpeshtë në rezidencën time në Hajvali.
