Kërcimi i kombinuar me muzikë dhe ritëm bën vërtet mrekulli në tru. Vitet e fundit, shumë studime shkencore kanë testuar përfitimet psikofizike që mund të marrim prej tij. Kërcimi jep emocione të forta, sjell gëzim dhe ul nivelin e stresit, ndihmon në mbajtjen e mendjes dhe trupit më të rinj, por ne kemi përzgjedhur 10 përfitime të vërtetuara nga shkenca.
1. RITUAL I DASHURISË. Për shumë lloje të kafshëve, kërcimi është një formë e seleksionimit seksual që është e domosdoshme për të fituar një partner dhe diçka e ngjashme ndodh me burrat. Këtë e konfirmoi një studim i famshëm i publikuar në vitin 2005 në Nature, sipas të cilit, shumë njerëz tërhiqen nga kërcimtarët, pasi trupat e tyre janë shpesh më simetrik dhe më të koordinuar.
2. TRURI MË I RI. Sipas një studimi të botuar në 2017 në “Frontiers in Aging Neuroscience” vallëzimi ju ndihmon të mbani mendjen tuaj të re, sipas një studimi të botuar në 2017 në “Frontiers in Aging Neuroscience”. Në studim u përfshinë njerëz midis moshës 60 dhe 80 vjeç, të cilëve iu caktuan aktivitete të ndryshme, duke përfshirë kërcimin. Nga ekzaminimet e mëvonshme të trurit, “kërcimtarët” treguan më pak shenja të përkeqësimit të trurit se të tjerët.
3. EKUILIBËR DHE KORDINIM. Praktikimi i kërcimit ndihmon për të qëndruar më mirë në ekuilibër, siç tregohet nga një studim i vitit 2021 i publikuar në Revistën Ndërkombëtare të Kërkimeve Mjedisore dhe Shëndetit Publik, i cili krahasoi ekuilibrin statik të kërcimtarëve dhe jo kërcimtarëve, duke vënë në dukje se performancat e të parëve ishin më të mira, për sa kohë ata kishin kërcyer rregullisht prej disa vitesh.
4. NË ÇDO MOSHË. Krahasuar me shumë lloje të tjera ushtrimesh fizike, kërcimi mund të praktikohet në të gjitha moshat. Ka stile të shumta dhe secila prej tyre nënkupton “shkallë” të ndryshme përpjekjesh. Truku? Zgjidhni atë që i përshtatet më mirë gjendjes tuaj sportive për të marrë përfitimin maksimal pa rrezikuar.
5. ALEGRI! Kërcimi është një aktivitet jashtëzakonisht shprehës dhe për këtë ndihmon në përmirësimin e humorit. Këtë e thonë disa studime, si ai i botuar nga Biblioteka Publike e Shkencave në San Francisko, për të cilin një ekip studiuesish kreu një test mbi një kampion prej qindra njerëzve që praktikonin vallëzime të Amerikës Latine për qëllime rekreative, të paktën një herë në javë.
6. SISTEMI IMUNITAR. Çdo ushtrim i moderuar ose intensiv, duke përfshirë kërcimin, rrit aftësinë e sistemit imunitar për të luftuar mikrobet dhe redukton rrezikun e infeksioneve të rrugëve të sipërme të frymëmarrjes. Këtë e demonstrojnë kërkime të ndryshme, duke përfshirë një studim të Universitetit të Karolinës së Jugut, i cili analizoi një kampion prej 547 personash midis moshës 20 dhe 70 vjeç.
7. KREATIVITETI. Sipas një studimi nga Universitetet e Sheffield dhe York, pesë minuta kërcim në stilin e lirë do të mjaftonin për të rritur kreativitetin tonë. Në fakt, pjesëmarrësve iu kërkua të kërcenin, të ngasin biçikletën ose të uleshin në heshtje ndërsa dëgjonin muzikë, dhe ishin kërcimtarët ata që ishin më reaguesit në zgjidhjen krijuese të problemeve që u shtroheshin.
8. KUNDËR DHIMBJES. Në një studim të vitit 2015, studiuesit në Universitetin e Oksfordit zbuluan se kërcimi në grup mund të rrisë pragun e dhimbjes duke lëshuar endorfinë gjatë vallëzimit, gjë që ndihmon në përballimin më të mirë të dhembjeve të traumës fizike. Ndoshta për këtë arsye disa lojtarë regbi dhe futbollistë kërcejnë para ndeshjes?
9. MË PAK STRES. Përveç përmirësimit të humorit, në të njëjtin studim, studiuesit vunë në dukje se kërcimi shoqërohej gjithashtu me ulje të ankthit dhe stresit dhe një prirje më të madhe për t’u socializuar, në mënyrë të ngjashme me atë që ndodh me argëtimet shumë më pak të shëndetshme, siç është pirja e alkoolit në shoqëri.
10. EMPATIA. Kërcimi na bën më empatikë dhe më respektues ndaj të tjerëve, veçanërisht në shkollë. Këtë e dëshmoi ndër të tjera një anketë e kryer në vitet 2014-2015 nga drejtorët e disa shkollave në Los Anxhelos, të cilët praktikonin klasa kërcimi. Rezultati ishte se 81% e studentëve raportuan se i trajtuan bashkëmoshatarët e tyre me më shumë respekt si rezultat i kursit.
