Ylli Manjani teksa ka bërë një analizë të gjendjes politike në vendin tonë, ngre shqetësimin se duhet një ndryshim i madh.
Manjani shkruan se nuk duhet të ketë më rikthim, pasi i vetmi që e justifikon rikthimin është Fatos Nano, pasi vetëm ai është larguar realisht nga politika.
Sipas Manjanit, nëse do të vazhdojmë më rikthime false në politikë, Edi Rama do të vdes kryeministër.
Postimi i plotë:
Sa më shumë kohë kalon aq më shumë bindem se rikthimi nuk është zgjidhje. As e ardhme.
Dhe është llogjike. Rikthim do të thotë ishim mirë kur ishim keq.
Problemi është se jemi këtu ku jemi, të pa shpresë e të pambrojtur nga politika agresive, pikërisht për shkak të idesë së rikthimit.
Mbani frymën o njerëz se do rikthehem!!! Po hë? Ku?
Askush nga këta që kemi këtej pari nuk justifikon fjalën rikthim. Sepse të gjithë (përveç Fatos Nanos) ishin e janë në politikë. Ku do rikthehet Ilir Meta, fjala vjen?! Në politikën çorap, pjesë e të cilës është vetë?! Apo do rikthehet Luli nga bunkeri!? As Berisha nga ka ku rikthehet sepse ai ishte e është në lojë.
Edhe Rama ka filluar të ndihet si i rikthyer!!
Po të jetë se e ardhmja varet nga rikthimi i këtyre që janë, Edi Rama vdes Kryeministër megjithse nuk prodhon më asgjë përveç se arrogancë e shkatërrim të vendit. Ai përceptohet ende si më “moderni” ndër këta që janë këtej pari. Kështu është, na pëlqen ose jo.
Nuk është punë ky “rikthimi”. Duhet t’ja nisim nga e para. Po nga filllimi fare.
Sistemit të sotëm politik nuk i bën fajde asgjë tjetër përveç se trajtimit të tij si mbetje e kalbur.
Natyrisht e ardhmja nuk mund të ketë as fytyrën e Erion Velisë e velinjve të tjerë,që kanë dështuar të na tregojnë një diplomë dhe, mashtrojnë në çdo gjë që thonë. Njëri/a më kastravec se tjetri/ra. Mashtruesa të lindur.
Na duhet një gjë krejt e re me rregulla të reja dhe të bazuar në zgjedhje.
Sa më shumë e sa më shpesh zgjedhje.
Jo rikthim, por ristart!
