I dërguari special i qeverisë maqedonase për zgjidhjen e mosmarrëveshjes ndërmjet autoriteteve të Shkupit dhe Sofjes, Vllado Buçkovski shpreson se do të këtë rezultate pas takimit të kryeministrit të ri maqedonas Dimitar Kovaçevski me homologun e tij bullgar Kiril Petkov, i parashikuar për ne mesin e muajit Janar.
Ish kryeministri maqedonas shpreson se Bullgaria do ta heqë veton në muajt e ardhshëm bllokadën ndaj Maqedonisë së Veriut për negociatat me BE-në.
Koha e punës së grupeve të përbashkëta do të jetë e mbushur me takime intensive sipas Buckovskit ndaj afati për të pritur rezultate konkrete mund të shkurtohet. Kryeministri i ri bullgar Kiril Petkov u shfaq entuziast natën e ndërrimit të viteve duke zgjedhur një fushë shahu dhe një shahist të vogël për t’i uruar bashkëqytetarët e tij.
Duke përkujtuar faktin se Bullgaria hyri në vitin 2022 dhe filloi viti i 15-të si anëtare me te drejta te plota te Bashkimit Evropian Petkov theksoi se vendi i tij do të luajë një rol më aktiv dhe më konstruktiv.
Ai ka shpallur afatin gjashte mujor për një zgjidhje të përshpejtuar të çështjeve mes Sofjes dhe Shkupit. Sofja këmbëngul që Republika e Maqedonisë Veriore të përfshijë bullgarët në Kushtetutë për të garantuar të drejtat e tyre.
