Pasi mblodhi kabinetin qeveritar për të bërë një analizë të 100 ditëve të para të qeverisjes në mandatin e tretë, kryeministri Edi Rama ka bërë edhe një reagim në llogarinë e tij në Tëitter.
Postimin e tij, kreu i qeverisë e nis me ironi për situatën e brendshme të Partisë Demokratike duke përmendur terma si “non grata, kufoma politike, brava e dyersh”, për të treguar se të gjitha palët “po bëjnë sikur” duan të luftojnë regjimin, korrupsionin dhe Vuçiçin.
Rama tregon se është i inkurajuar nga fakti që, sipas tij, drejtësia e re po jep sinjale të qarta pa dallim ngjyrash, “ekonomia po vijon ringritjen pas pandemisë dhe se sporteleve po u vjen fundi bashkë me këtë vit.
Kryeministri njofton gjithashtu se nesër vendoset në qeveri “Konsultimi i madh Kombëtar me shqiptarët” për vendime të rëndësishme të vitit që po vjen.
“S’kam ndërmend të merrem as me kufomat gratanongrata as me dordolecët e papagallët grata e vinci (gërvisht e fito) që kanë hyrë në një vorbull marrëzie qesharake bravash, dyersh, kanalesh e portalesh, kinse po duan kush e kush të luftojë më fort regjimin, korrupsionin, vuqiqin!
Jam i inkurajuar që drejtësia e re po jep sinjale të qarta pa dallim ngjyrash, ekonomia po vijon ringjitjen pas pandemisë, sporteleve po u vjen fundi bashkë me vitin në ikje dhe më e mira është e gjitha përpara, duan s’duan humbësit fitimtarë të kuvendeve demokratike e mediatike!
Nesër vendosim në qeveri Konsultimin e madh Kombëtar me shqiptarët për vendime të rëndësishme të vitit që po vjen dhe le ta dëgjojmë sa më shumë njëri-tjetrin,jashtë llogoreve të ngushta partiake e llogjeve të mëdha provinciale! Ata s’kanë ç’humbin më ne s’kemi kohë për të humbur”, shkruan ai.
