Monika Kryemadhi, në një lidhje direkte me “Radari Informativ” në ABC ka konfirmuar atë që Presidenti Ilir Meta ka thënë në lidhje me shtyrjen e datës së zgjedhjeve lokale të 2019-ës.
Kryemadhi tha se kreu i shtetit ka të drejtë kur thotë se shtyrja e datës së zgjedhjeve është kërkuar nga kryedemokrati Lulzim Basha.
Po ashtu, kryetarja e LSI tha se forca politike që ajo drejton duhet t’i kishte dëgjuar vetë përfaqësuesit e kancelares gjermane Angela Merkel përpara se të pranonin që të digjnin mandatet. “Kam shumë arsye për të qenë shumë e qartë, për hir të vërtetës, presidenti ka të drejtë.
Ka qenë e vërtetë që shtyrja e datës së zgjedhjeve është kërkuar nga Basha. Ne pranuam për të djegur mandatet, duhet t’i dëgjonim vetë përfaqësuesit e Merkel, dhe jo të kishim Bashën”, tha ajo. Kryemadhi theksoi se të gjithë e kanë të qartë, nga takimet bilaterale që janë bërë me partnerë strategjikë që djegia e mandateve u bë pas marrjes së indicieve të forta në këtë çështje po përfshihej Merkel.
Ndërsa, duke u ndalur tek çështja e inceneratorëve, e pyetur nga Jonida Shehu nëse beson te SPAK, Kryemadhi tha se eksperienca e ka mësuar që të ketë besim në Zot dhe në asgjë tjetër. “Kjo është prova e drejtësisë shqiptare, e reformës në drejtësi që do të vendoste pikat mbi i, ka akoma shumë punë përpara.
Basha ka besim te SPAK, unë jam e bindur që Basha ka besim te SPAK, por ajo që kam parë me sytë e mi të bashkëpunimit, unë sot si besoj më asnjë njeriu, vetëm Zotit. SPAK është në provë. Monika i ka provat, i dorëzoi një nga një, e vijon të bashkëpunojë me sistemi e drejtësisë…”, tha ajo. Sipas saj në këtë situatë ku ndodhet politika nuk ka më front opozitar, pasi secili nga opozita po sulmojnë njëri-tjetrin dhe jo qeverinë. “Nuk ka pasur kërkesë. Nga LSI për deputetë nuk ka pasur kërkesë për deputet.
Ka qenë alibi për rezultatin e zgjedhjeve për humbjen. E dyta është se LSI ka qenë strukturë politike që PD dhe PS i ka qëndruar besnike në marrëveshje. Edhe djegia e mandatave. E mbani mend që e sulmonin LSI. Përball një shteti mafioz, ishte unifikimi për një qëndrim që u quajt fronit opozitar. Nuk ka më front opozitar. Se më shumë dëgjojmë akuza ndaj njeri-tjetrit dhe akuza politike sesa kundër Edi Ramës.
Ne e kemi të artë rrugën tonë, do vijojmë të denoncojmë. Por pres SPAK dhe KLP për letrën për prokurorinë e Elbasanit. Nuk kam përgjigje ende. Po presim. Do bëjmë komunikime zyrtare për të parë nëse janë të vërtetë në atë që kanë nisur”, tha Kryemadhi.
