Donald Trump u ngacmua nga disa prej mbështetësve të tij teksa pranoi se kishte marrë një dozë përforcuese për COVID-19.
Ish-presidenti i SHBA-së u fërshëllye nga një pjesë e audiencës në Dallas të dielën, kur pranoi se kishte marrë një dozë tjetër të vaksinës kundër Covid.
Gjatë një ndalese të turneut me ish-prezantuesin e Fox News, Bill O’ Reilly, Trump paralajmëron mbështetësit se ata po luajnë me jetët e tyre kur hedhin poshtë vaksinat dhe nuk i marrin ato, thuhet në një video më të gjatë të postuar në Twitter nga faqja e O’Reilly.
Sipas videos së postuar në Twitter nga “No Spin News” e O’Reilly-t, ish-prezantuesi i Fox News thotë, “Si presidenti dhe unë jemi të dekurajuar” dhe më pas e pyet Trumpin: “A e more përforcuesin?”
“Po,” thotë Trump, duke u përpjekur të qetësojë zhurmat.
Kjo vjen pasi zyrtarët dhe shkencëtarët amerikanë i bëjnë thirrje popullatës që të vaksinohet mes një rritjeje të rasteve për shkak të variantit Omicron.
Trump, i cili u infektua me Covid kur ishte president, mori vaksinës e tij të parë kundër Covid-19 jashtë vëmendjes së shtypit përpara se të largohej nga detyra. CNN raportoi muaj më vonë se vaksinimi i tij nuk ishte regjistruar.
Trump tha në një intervistë të Wall Street Journal që u botua në shtator se ai nuk kishte gjasa të merrte përforcuesin, duke thënë se ndihej sikur ishte “në formë të mirë nga ky këndvështrim” dhe “ndoshta nuk do ta merrte” përforcuesin.
“Do t’i shikoj gjërat më vonë,” shtoi ai. “Nuk jam kundër, por ndoshta nuk është për mua”.
Kjo nuk është hera e parë që Trump përballet me kritika kur flet për vaksinat.
“Unë besoj plotësisht në liritë tuaja. Unë besoj. Ju duhet të bëni atë që duhet të bëni. Por unë rekomandoj, merrni vaksinat. E bëra. Është mirë. Merrni vaksinat,” tha Trump në Alabama në gusht.
Disa nga audienca u përgjigjën duke sharë deklaratën.
“Jo, kjo është në rregull. Kjo është në rregull. Ti i ke liritë e tua, por rastësisht kam marrë vaksinën. Nëse nuk funksionon, do të jesh i pari që do ta dish, në rregull?”, u shpreh Trump.
Deklarata e Trump me siguri që ka zhgënjyer edhe Evi Kokalarin dhe trumpistët e Tiranës, të cilët janë kundër vaksinimit!
