Fakti që e braktisi dhe Prof. Dr. Xhelal Mziu, do të thotë se personi “non grata” ka marrë fund/ Prej 3 muajsh, familja “non grata” po lufton ta largojë Lulzim Bashën me kërcënime nga foltoret, me shantazhe, intriga, denigrime, me sulmet e çetës LSI të financuara nga familja presidenciale dhe me “gogolin” kuvend Anti-SHBA, ku plaku i Lalzit po shkon me gruan, vajzën, djalin, dhëndrin, me 5 anëtarë kryesie, me 3 kryetarë degësh e 10 deputetë
Pas një jave, Sali Berisha do organizojë “foltoren” e përgjithshme të quajtur “Kuvend i PD”; në të cilin, sipas rendit të ditës do ketë ndryshim statuti, mos-njohje të vendimit të SHBA, e vendimit të Bashës, por nuk ekziston qëllimi për shkarkimin e Lulzim Bashës.
Jo se Sali Berisha nuk e do postin e PD, sidomos në këtë krizë penale, por nuk mund ta uzurpojë dot, sikur të bëjë kuvende çdo ditë, apo t’i vërsulet zyrave me bandat e Agron Kuliçajt.
Sepse rrugën drejt kolltukut të PD ia ka bllokur Statuti, që Lulzim Basha ka vulosur në kuvendin e 12 qershorit 2021, hartuar më parë nga vetë Sali Berisha dhe votuar prej tij në atë kuvend, për ta “blinduar” Bashën në krye të PD-së, nga frika e grupeve rivale brenda e jashtë partisë.
Tashmë, Berisha është një nga këta rivalë jashtë gardhit të SHQUP, i dalë në skenë jo kur SHBA e shpalli “non grata”, por pasi Basha e përjashtoi nga grupi parlamentar e “de facto” nga PD.
Nëse Basha e përzuri nga partia me një deklaratë të lexuar në media, Berisha ka 3 muaj që po lufton ta largojë me kërcënime, shantazhe, intriga, denigrime, me sulmet e çetës LSI të financuara nga familja presidenciale dhe me “gogolin” kuvend.
Por gjuha e spërdredhur e Berishës në çdo foltore dhe lëvizja e Bashës me kuvend në 18 dhjetor, janë sinjale të qarta se “baba” po bënë kuvend për të krijuar një PD të re që i duhet nga halli; ndërsa “djali” po bën kuvendin, për të treguar fuqinë që ka në krye të partisë së “babës”.
Në këtë krizë rrumpallë që ka mbëthyer PD-në, Lulzim Basha është në pozicionin që Sali Berisha ka qenë para 25 vitesh, përballë grupit Ceka-Imami-Pashko, të cilët pasi nuk e rrëzuan dot, u larguan me një grup deputetësh dhe krijuan parti tjetër.
Ndërsa Sali Berisha përballë Luzim Bashës, është në pozicionin që Genc Pollo ishte përballë vetë Berishës në kuvendin e PD të vitit 1999, kur kandidoi për ta rrëzuar, por nuk mundi dhe bashkë me grupin Shehu-Xhaferri e disa deputetë, krijoi Partinë e Re Demokratike.
Atëherë Berisha u alarmua, mbasi Pollo kishte mbështetje nga diplomatë të BE, dhe nisi një inkursion në bazë duke i marrë disa drejtues degësh e anëtarë kryesie, por dështoi sepse Berisha kishte vulën, shumicën e kryetarëve të degëve, të këshillit kryesisë e grupit parlamentar.
Edhe Lulzim Basha, sot ka shumicën në këto struktura të partisë, ndërsa Berisha shkon në kuvend me familjen, me 5 anëtarë kryesie, 3 kryetarë degësh, 10 deputetë dhe çiftin pronarë të LSI.
Kuvendi i 11 dhjetorit, do bëhet dhe do mirathet statut i ri, kryesi e re dhe këshill i ri kombëtar, por nuk do ketë zgjedhje kryetari të ri, sepse as kuvendi i 11 dhjetorit nuk e ka në rend dite, as Sali Berisha nuk e rrëzon dot Luzim Bashën me ligj.
Shenjë e parë, është dhënë 3 muaj më parë e në vazhdim, me foltoren e drejtuar dhe financuar nga plaku i kriminalizuar e “non grata” familjarisht, që josh e mbledh militantë ulëritës dhe plotëson formularë “top sekret” të kyçur në kasafortë.
Ndaj nuk ka dyshim, që strukturat partiake paralele, të cilat familja “Berisha” do t’i emërojë në kuvendin e 11 dhjetorit, do jenë kupola e vjetër e një tjetër partie të re jashtë gardhit të SHQUP.
Pra, më 11 dhjetor në kuvendin e tij, “sykuqi” Sali Berisha do fillojë krijimin e një partie tjetër demokratike me ata që i besojnë, tamam si ajo kuqos Genc Pollo, të cilës sidoqë t’ia vendos emrin, do quhet partia e personit dhe familjes “non grata”.
Këtë sinjal e dha Bujar Nishani, në emisionin e të entjes në “TV-Klan”, ku pyetjes nëse pas 11 dhjetorit do ketë apo jo 2 PD, ai iu iu përgjigj: – Le të ketë dy PD, por me ndryshimin se partia e Berishës do jetë në sheshe me protesta, ndërsa partia e Bashës do qëndrojë në zyra./Pamfleti
