Ilir Meta duket se i trembët shkarkimit si kreu i shtetit. Më 18 janar të vitit që vjen, Gjykata Kushtuese do të mblidhte për të shqyrtuar vendimin e Kuvendit të Shqipërisë, i cili e ka shkarkuar atë në 9 qershor të këtij viti. Por afrimi i datës së seancës ka vënë në alarm presidentin Meta.
Ky i fundit ka dhënë dje një intervistë për emisionin “Log” më “ABC”, ndërsa ka folur për zgjedhjet vendore të 30 qershorit. Mirëpo teksa ka refuzuar që të komentonte vendimin e Kushtetuese që legjitimoi “30 qershorin”, zoti Meta sulmoi anëtarët e kësaj gjykatë, pasi sipas tij, ata gabuan që për këtë çështje që iu drejtuan Komisionit të Venecias.
“Dërgimi i çështjes së zgjedhjeve vendore të 30 qershorit 2019 nga ana e Gjykatës Kushtetuese në Komisionin e Venecia ishte surprizë për mua si kreu i shtetit. Republikën e Shqipërisë e njohin vetëm anëtarët e Gjykatës Kushtetuese. Është skandal që një anëtar i Gjykatës Kushtuese t’i drejtohet Komisionit të Venecias për Kushtetutën që ka shkruar ky komision, pasi kjo i bie që ata janë të paaftë.
Zgjedhjet e 30 qershorit ishin zgjedhje moniste. Dua që vendi të ketë një Gjykatë Kushtuese të denjë, të pa kapur dhe jo anëtarë që betohen tek lumi Lana. Gjykata Kushtetues duhet ët shprehej që në korrik për këtë çështje. Nuk kam shqetësim se çfarë vendimi do të marrë trupa e saj për mua.
Edhe sikur të marrin vendim 30 me zero, ky nuk është shqetësimi im, pasi unë e kam raportin me popullin. Gjykata Kushtetuese është nën presion, por jo nga unë”, deklaroi ai. Por kjo deklaratë duke sulmuar indirekt anëtarët e Gjykatës Kushtetuese, tregon qartë se presidenti Meta i frikësohet një shkarkimi të mundshme më 18 janar të vitit 2021.
Meta pranon të tjera pazare
Më tej gjatë fjalës së tij, presidenti Ilir Meta ka zbuluar edhe një skandal, pasi bëri me dije se ishte kreu i Partisë Demokratike, Lulzim Basha, që vendosi që zgjedhjet lokale të mbaheshin më 13 tetor të vitit 2019. Por ligji e parashikon që është kreu i shtetit ai që dekreton datën e zgjedhjeve, kështu që kjo deklaratë e leshura nga Meta tregon se ai ka shkelur Kushtetutën që ka pranuar të çojë vendin në zgjedhje sipas dëshirës së një pale tjetër. “Ky zotëri ka vizituar zyrën time dhe datën e ka caktuar ky (13 tetorin).
Ka filmime dhe është e mirëdokumentuar dhe unë mund tua vë në dispozicion. 13 tetorin, e ka caktuar ky zotëria në zyrën time sepse Rama refuzoi të bënim takime bashkë. Unë u detyrova të shpallja një datë tjetër dhe isha i detyruar ta shpallja me dakordësinë e opozitës. Datën e caktoi Basha bashkë me Oerd Bylykbashin te unë, nëse doni u jap edhe pamjet”, u shpreh ai.
Meta rreshtohet hapur krah Berishës
Por teksa i ndruhet një shkarkimi të mundshëm nga Gjykata Kushtuese, presidenti Ilir Meta paralajmëroi se do të zbresë në shesh krah qytetarëve. “Unë se kam shqetësim vendimin politik që mund të marrë Gjykata Kushtetuese për mua sa i takon shkarkimit. Unë do shkoj tek populli i 2 marsit”, tha ai. Ndërkohë, presidenti Ilir Meta konfirmoi edhe zërat se ai është krah ish-kryeministrit Sali Berisha, pasi dje foli me superlativa për figurën e ish-kreut të Partisë Demokrtike.
“Doktor Sali Berisha është si vera, sa më i vjetër aq më i mirë është. Kjo është deklarata që kam bërë pak ditë më parë në Korçë dhe i qëndroj.
Unë nuk përfshihem në punët e brendshme të ndonjë partie politike. Unë nuk e kam fshehur kënaqësinë dhe simpatinë për Berishën. Unë kam qenë kundërshtar i Berishës kur kam qenë në PS, por ai është burrë besnik që kur thotë “Po”, është “Po” dhe kur thotë “Jo” është “Jo”. Vendi sot që flasim është pa opozitë dhe duhet zgjidhur kjo punë”, nënvizoi presidenti Ilir Meta.
