Ditën e sotme Gjykata e Posaçme Kundër Korrupsionit dhe Krimit të Organizuar ka rrëzuar padinë e Presidentit Ilir Meta ndaj ish-kreut të Këshillit të Emërimeve në Drejtësi, Ardian Dvorani.
Lidhur me këtë vendim ka reaguar Presidenca, teksa e cilëson si të papranueshëm duke treguar se ky instuticion është në dekadencë të plotë. Meta si këmboraxhi as dekoratat që jep nuk ka tagrin t’i vlerësoi janë ligjore apo jo e jo më një vendim nga SPAK.
Sigurisht që Meta do ankohet, kur t’i duhet një avokat për tu përballur me drejtësinë, për shpifje dhe kallzim të rremë gjë q♪7 drejtësia e re duhet ta aplikoj për të gjithë personat që bëjnë kallzim duke shfrytëzuar postin e momentit.
Faktet e Metës dhe të Blushin nuk janë asgjëkundi, por në mendjen perverse për hakmarrje të Ilir Metës ndaj gjyqtarit Dvorani i cili ishte i vetmi që votoj pro dënimit të tij pë aferën 700 milonshe.
Ndërsa për enmërimet e 3 kllounve nq Gjykatën Kushtetuese, një inspektore , një notere dhe një avokat në kundërshtim me të drejtën që i jep Kushtetuta shumë shpejt do vihet para ligjit “shkëlqesia e tij” faqezi.
Postimi i Tedi Blushit
U deshën plot 2 vite, që SPAK të kërkonte pushimin e procedimit penal ndaj personit nën hetim, z.Ardian Dvorani dhe ndaj ish-Ministres së Drejtësisë dhe vartësve të saj.
Vendimi i sotëm i Gjyqtarit të Seancës Paraprake, që miratoi këtë kërkesë të Prokurorisë për pushimin e çështjes penale të nisur 2 vite më parë, me kallëzim të Presidentit të Republikës, është I PAPRANUESHËM dhe do të ANKIMOHET sipas rregullave procedurale dhe afateve, që përcakton Kodi i Procedurës Penale.
Kushdo, që ka konsumuar vepra penale dhe ka abuzuar me ushtrimin e funksionit publik, qoftë ish-anëtar i Gjykatës së Lartë, ish-Ministër Drejtësisë, apo funksionar tjetër i lartë do të përgjigjen para drejtësisë.
Faktet janë aty dhe veprimet e faktuara kriminale nuk zhbëhen dot, pavarësisht vlerësimit jo objektiv të SPAK për të mos u thelluar në hetimin e mekanizmit dhe bashkëpunimit kriminal dhe në arsyetimin krejtësisht të gabuar mbi rrethanat e faktit dhe elementëve të veprave penale të konsumuara nga shtetasit e kallëzuar.
Rëndësia e kësaj çështjeje, pikërisht për shkak të cenimit të besimit të publikut tek Drejtësia, nuk mund të sfumohet duke e zvarritur në kohë, dhe as me hetime të cekta, që derivojnë nga thelbi i çështjes.
Edhe një trupë ndërkombëtare ekspertize si Komisioni i Venecias veproi më shpejt dhe më objektivisht se SPAK.
Mjafton që SPAK t`i ishte referuar gjetjeve dhe vlerësimeve të Komisionit të Venecias, dhe do gjente aty një vlerësim objektiv dhe një lexim të qartë të asaj, që ligji dhe Kushtetuta e Republikës së Shqipërisë sanksionon, por edhe fajtorët se kush tentoi t’i rrëmbente Presidentit të drejtën e emërimit të gjyqtarit kushtetues, si dhe kush e la vendin 3 vjet pa Gjykatë Kushtetuese dhe pa Gjykatë të Lartë.
SPAK refuzoi ekspertizën e huaj dhe me vendimet e tij i dha mundësinë autorëve të krimeve penale të vijojnë në mbijetesën e tyre.
Drejtësia ka ende kohë për të folur!
E ardhmja u takon të vërtetave! ???????? /Ekskluzive.al
