dërguari i fundit amerikan për Kosovën në kohën e presidentit Trump, Riçard Grenell, ka fol publikisht, duke mbështetur akuzat e Berishës, se Sorosi mund të ketë ndikuar tek vendimi ndaj familjes Berisha.
Pas kësaj pati shumë polemika, pasi Berisha thotë që mua më futën në listë të zezë se kundërshtova ndarjen e Kosovës, ndërsa vetë Grenelli është ideator i marrëveshjes mes shqiptarëve dhe serbëve, për të cilën Berisha thotë që e ndali ai.
Vetë Albin Kurti ka thënë se Grenelli kishte bërë gati thikat për ndarjen e Kosovës në Uashington.
Në shpjegimin e tij për demokratë, Muli thotë:
“Të dashur demokratë!
Grenelli më në fund u sqarua për të vërtetën.
Pas disa takimesh të fshehta me njerëzit tanë në SHBA dhe me ndihmën e lobistëve të Metës, ne arritëm ta bëjmë atë nga kundërshtar, në aleat.
Në një bisedë të hapur që ai pati me njerëzit e Doktorit, Grenell ka shpjeguar gjithë skenarin.
Ai u ka shpjeguar se e kishte marrë vesh që agjensitë do ta nxirrnin Berishën në listën e zezë, dhe nxitoi të propozonte ndarjen e Kosovës, me qëllim që t’i çonte fjalë Berishës ta kundërshtonte, dhe pastaj ai të kishte një argument patriotik.
Dhe ashtu bëri.
Ai bëri sikur do ndante Kosovën në marreveshjen me Serbinë, i çoi fjalë Doktorit dhe ky e sulmoi ashpër.
Pastaj Grenell u tërhoq.
Ndërkohë ai nuk e ndalte dot futjen e Berishës në listë të zezë, se ishte Sorosi pas, edhe pse në pushtet ishte presidenti Trump, armik i Sorosit.
Duken si gjëra jologjike këto, por kështu ka qenë.
Pasi nuk e ndali dot, atëhere i çoi fjalë Doktorit, se tani mund të mbrohej duke thënë se më futën në listë të zezë, se mbrojta Kosovën.
Kështu dalin të gjithë të fituar, dhe SHBA, dhe Doktori, dhe Grenelli, që ka nevojë të punësohet si lobist këto kohë”.
