Policia e Fierit është ngritur në këmbë pas ngjarjes së rëndë që tronditi mbrëmjen e së shtunës këtë qytet. Të tjera detaje janë zbardhur nga ekzekutimi i bizmesmenit Demir Backa.
Paraditen e djeshme, zv/drejtori i policisë së Qarkut Fier, së bashku me një trupë policore “Shqiponja”, kanë ushtruar kontroll në zonën në Fier që njihet si “15 katëshi”, ku banon një prej emrave të botës së krimit në këtë qytet me inicialet A.I.
Pamjet filmike tregojnë policinë lokale të pozicionuar në rrugën, ku banon pikërisht ky personazh, i cili mësohet se është shoqëruar në polici dhe marë në pyetje.
Deri në këtë fazë ku ndodhet hetimi, personi me inicialet A.I dyshohet se qëndron prapa këtij atentati, të kryer me pagesë nga një grup qitësish që besohet shumë se kanë ardhur nga qyteti i Vlorës.
Dyshimet e shumta janë ngritur pasi rreth 1 vit e gjysëm më parë, viktima Demir Backa, ka rrahur në lokalin e tij “Piazza” në Fier, shtetasin me iniciale A.I së bashku me djalin e tij.
Kjo zënkë që ka lindur fillimisht mes fëmijëve, është agravuar deri në atë masë, sa që tashmë dyshohet shumë se është bërë shkak i vrasjes së biznesmenit Demir Backa.
Mësohet se janë shoqëruar rreth 15 persona, teksa policia deklaroin se kanë qenë tre persona autorë të ekzekutimit. Ndërkohë që autorët e qëlluan me breshëri Backën, tre plumba e kanë zënë në zonën e qafës dhe kokës dhe rreth 15 të tjerë në kraharor që edhe i kanë marre jetën 57 vjeçarit gjatë një atentati të shtunën në mbrëmje në Fier.
Mbrëmjen e 23 tetorit 2021, 57 vjeçari u qëllua në makinën e tij që ndodhej e parkuar para një qëndre tregtare në Fier, në një zonë me lëvizje të shumta dhe në një rrugë kombëtare.
