Kokën do e mbështes te pasqyra e makinës së shtrenjtë Mercedes Benz të Bujar Nishanit dhe do filloj me oi, oi, oi.
Le të mi prishin lotët qerpikët që i kam si të Grida Dumës por unë nuk do pushoj.
Le të më kërcënojnë tribalistët bishtpëllumba të Xhelal Mziut, loti im nuk do ndalet. Kunati i Lul Bashës le të më paguajë sa të dojë, unë nuk e ndryshoj kurbën e vajtimit.
Me oii, oii, oii do vajtoj pa pushim edhe sikur Gaz Bardhi të sjellë gangsterët e Elbasanit, edhe sikur Flamur Noka të më rrethojë me 1253 kushurinjtë e tij, edhe nëse shtëpinë time nuk ma legalizojnë në Babrru do vazhdoj të qaj e të enjtem nga gulçi.
Edhe peng të më marrin mbetjet e Sali Berishës në SHIK e në Polici unë nuk ndaloj një sekondë së qari e së vajtuari. Ashtu me kapuç të zi në fytyrë hedhur kanaleve të Mamurrasit do gjej frymë e do qaj.
Do qaj e do ulëras si e katandisët një pasuri kombëtare si PD.
Mallkuar qofshi ngase krimet dhe grykësia i’u a vrau vlerat partisë që lindi mëngjesin e nganjdhyer mbi komunizmin, Partisë Demokratike dikur 30 vjet më parë çerdhe e intelektualizmit shqiptar, sot 30 vjet më pas, kuplara e tribalizmit vrasës.
Mallkimet e Bathores iu ndjekshin gjithë jetën!
