Analisti Frrok Çupi ka deklaruar dje se Berisha po projekton dorëzimin e opozitës në duart e presidentit Ilir Meta. Çupi u shpreh se ata kanë krijuar një plan të përbashkët dhe kjo është arsyeja që i përmendin afatet Bashës. Sipas tij, të dy duan të bëhen bashkë dhe të nisin trazirat.
“Në sfondin e aktivitetit të Berishës ndodhet edhe një projekt tjetër, projekti që keni dëgjuar se 3 javë afate ka Basha, etj. Kjo është një projekt i përbashkët i lëshuar brenda këtij grupimi. Pse është 3, 4, 2 javë? Sepse tetori është konsideruar që Ilir Meta shkarkohet nga President i Republikës dhe ai i bashkohet Berishës”, tha Çupi. Sipas tij,Basha duet ta largojë Berishën dhe nga strukturat e tjera.
Teksa komentoi edhe largimin e deputetit Flamur Noka, Çupit u shpreh se prapa këtij vendimi përsëri qëndron Amerika pasi strukturat e sigurisë janë të lidhura me interesat amerikane. “Nëse nuk përjashtohet edhe nga vetë strukturat e PD-së, Këshilli Kombëtar, Kryesia, etj. Nëse shikoni këtu bëhet politikë, më vjen shumë keq kur dëgjoj që bëhen analiza mbi sipërfaqen.
Këtu bëhet politikë në zemër të PD-së. Siç e shikoni largimi nga Komisioni i Sigurisë i Nokës, shumë njerëz nuk e kanë kapur se pse nga kjo strukturë dhe jo nga Kryesia, etj. Prapa kësaj është gjithmonë Amerika, është dora e tyre. Sepse strukturat e sigurisë janë të lidhura drejtpërdrejt me interesat amerikane. Ideja themelore është çmontimi nga strukturat e shtetit i berishizmit”, tha ai.
Çupi komenton situatën brenda PD
Po ashtu analisti deklaroi se praktikisht nuk ka më Parti Demokratike. Ai u shpreh se nëse opozita është një gjë e pandryshueshme atëherë ajo nuk quhet më opozitë. Çupi tha se Partia Demokratike është një atavizëm që vetëm ka prodhuar histori shumë të keqe, luftëra dhe tërmete ekonomike e sociale. Sipas tij, më shumë luftëra ka patur 30 vitet e fundit sesa në 500 vite të pushtimit otoman.
Analisti nga ana tjetër komentoi edhe figurën e kreut demokrat aktual, Lulzim Basha. Çupi tha se Basha është një kalimtar teksa shtoi se nëse partia mbetet me të, do ta shpëtojë atë nga Berisha. Sipas tij në politikë, pas ndryshimit të kuajve vjen kali tjetër. “O bie shteti shqiptar ose Berisha është brenda flluskës dhe do të shkojë një ditë në një vend që nuk quhet flluskë.
Parti Demokratike praktikisht nuk ka. PD-të e tjera të botës lindore vullnetarisht thanë tani po largohemi nga pushteti. Nëse opozita është një gjë e pandryshueshme nuk quhet opozitë. PD është një atavizëm që realisht ka prodhuar një histori të keqe, tërmetesh ekonomike, tërmetesh sociale, luftërash në vendin tonë. Kemi pasur luftëra më shumë në 30 vitet e PD-së se sa në 500 vite nga pushteti otoman. Veprën e nesërme nuk e di, Basha është një kalimtar, një tranzicionit, nëse do mbetet PD me Bashën ajo do shkojë deri në pikën që do të shpëtojë prej Berishës. Pas ndryshimit të kuajve, siç i thonë në politikë, do të jetë kali tjetër”, tha Çupi.
