Gazetari Artan Hoxha u pyet edhe për deklaratën e Lefter Allës i cili ka thënë se në nxjerrjen e videos ku shfaqej duke konsumuar kokainë kishte kontribuar Partia Demokratike dhe një televizion lokal.
“Kjo bëhet nga ana e prokurorisë, se dhe vetë ata që e kanë shkruajtur këtë deklaratë nuk e besojnë. E kuptoj propagandën, që kanë vendosur drejtues të tillë dhe pa kundërshtar përballë dhe që po mundohen ta politizojnë, që po mundohen ta shpëtojnë këtë nga ky ngërç që e ka zënë sikleti.
Përmendin emrin e Salianjit dhe gjëra të këtij lloj. Nuk besoj që ndonjë shqiptar ta besojë se unë dhe Sali Berisha kemi bashkëpunim. Po e tha këtë, unë do të them se kjo gjë ka ndodhur pastaj. Do t’i qëndroj deri në fund asaj që parashikon legjislacioni shqiptar për të shtyrë çështjen përpara.
Jam thjeshtë një person që mund t’a ndihmoj hetimin dhe jo të varet nga unë ky proces. Edhe dje kam thënë se më tepër i kam mëshuar çështjes morale se sa asaj penale, këtë të dytën duhet ta bëjë prokuroria. Unë them se moralisht pas skenave të tilla, një drejtues, nuk mund të qëndrojë në detyrë moralisht, për mua nuk ka rëndësi individi.
Ishte shansi apo çështje fati që dokumentuam diçka të tillë që së bashku e komentonim por që nuk kishim prova ta denonconim zyrtarisht”, tha Hoxha.
