Letrat e dërguara nga fëmijët e burgosur nënave të tyre në kampin nazist të përqendrimit, të cilët vinin nga getoja e Litzmannstadt, u zbuluan nga studiuesit e Muzeut Polak të Fëmijëve – Viktima të Totalitarizmit.
Letrat shfaqin një pasqyrë tronditëse mbi vuajtjet që pësuan fëmijët në atë kamp.
Studiuesit e muzeut pohuan se disa ditë më parë, ndërsa po shqyrtonim koleksionet private, zbuluan tetë letra origjinale të dërguara në kampin nazist të Litzmannstadt, të shkruar në vitin 1944 prej tyre. Është një zbulim unik, sepse ka vetëm një duzinë letrash të tilla nga ky kamp dhe ato janë shkruar nga të burgosurit më të rinj të Rajhut të Tretë.
Për momentin dokumentet janë duke u shqyrtuar dhe po ruhen që edhe më pas të restaurohen. Në fragmentet e letrave pjesërisht të dëmtuara shkruhen fjali të tilla si “më duhen sapun dhe një lugë sepse nuk kam asgjë për të ngrënë, etj.
Ekspozita e letrave dhe dokumenteve të tjera nga kampi do të dalin në dritë në Dhjetor të këtij viti, në Qendrën Kulturore Lodz. Fëmijët u mbajtën në kushte primitive, u përdorën si skllevër dhe gjithashtu u rrahën, u torturuan ku një pjesë e tyre ndërruan jetë nga uria.
