Portali i familjes Berisha ka botuar një shkrim, për t’i dhënë zemër Saliut.
Në shkrim thuhet se edhe Andera Papandreu ka qenë “non grata” në SHBa për 20 vite, por më pas pati një fund të lumtur.
“Andrea Papandreou nuk shkoi dhe nuk u lejua të shkonte në Shtetet e Bashkuara të Amerikës për 20 vite (1974 – 1994).
Ai shkoi në Amerikë, si kryeministër, vetëm në vitin 1994, me ftesë të Presidentit Bill Clinton, për një vizitë zyrtare në Shtëpinë e Bardhë, vizitë që theu edhe akullnajën politiko-strategjike mes Uashingtonit dhe Papandreut.
Por, Papandreou ishte kryetar i Partisë Socialiste PASOK, deputet dhe kryeministër për disa herë në Greqi, edhe pse nuk mund të shkelte tokën e superfuqisë ekonomike dhe ushtarake, Amerikës. Të mos shkuarit në Amerikë nuk e pengonte për të drejtuar partinë dhe vendin e tij. Dhe në Greqi nuk diskutonte askush për këtë fakt, nuk i interesonte askujt!
Kjo nuk është për analogji me Berishën, por për të logjikuar dhe për të argumentuar se vendim-veprimi i Bashës nuk është vetëm absurd, por vrastar ndaj atij që i hapi udhën e karrierës politike, është fatal për jetën e një partie politike në opozitë, për anëtarët, militantët dhe suportuesit e saj, si dhe kur ky vendim-veprim vjen i kushtëzuar nga pozita, e bën aktin të shëmtuar, apolitik dhe të turpshëm.
Më lejoni të vazhdoj të besoj se Ramës nuk i duhet më Basha, kryeopozitari që i merr 30% të së tërës, në një dorë.
Ai që mund ta asgjësonte Bashën ishte dhe është vetëm Berisha i mbështetur nga demokratët. Këtë bëri Rama, duke e përdorur Bashën, ja hodhi ‘kurbanin’ nofullave të ujkut dhe kështu në këto katër vite pushtet, do të jetë tërësisht i lirë dhe pa kavo e litarë që i kishin lidhur duar dhe këmbë.
Karamanlis: ‘I përkasim Perëndimit!’
Papandreou: ‘U përkasim grekëve.’
Basha dhe bashallëku, pozitë dhe opozitë janë shumë larg profilit të këtij rangu politikanësh.
Kujdes: Duhet të dinë politikanët shqiptarë, se janë thuajse të gjithë, ‘Persona non Grata’ për shqiptarët”, thuhet në shkrim.
Por kjo është një gënjeshtër! Papandreu hyri në konflikt me SHBA pas largimit të avionëve të Natos nga Iraklon, duke plotesuar një kërkes¥ të kombit të vet dhe nuk shkaterroi Greqine, nuk vrau Greke , nuk ishte terroriste islamike, nuk tradhetoj Greqine
nuk vodhi dhe nuk shkaterroi demokracine në vendin e tij. Berisha mundet te krahasohet me Sadamin etj kriminele Islamike por kurr me nji figure Madhore Politike si Papabdreu.
