Dhimbja do të vijë shpejt dhe fort për çdo kompani europiane që nuk jep fitim këtë sezon. Kështu duket për shumë kompani që për pak ditë brenda javës shënuan ulje të aksioneve të tyre dhe kapitalit në treg.
Është ngritur në pikëpyetje fakti nëse oferta e tregut ka arritur kulmin dhe do të marrë një kthesë tani. Aksionet janë në nivelet më të larta të të gjitha kohërave dhe çdo fushë pret që të arrijë në stadin më të mirë të vetin këtë periudhë. Shumë kompani i përshkruajnë rritjet e tyre si më të mëdhatë në dy dekadat e fundit.
Një gabim i vogël mund t’i vrasë të gjithë.
Mesatarisht, 16 kompani në ditë do të deklarojnë pasqyrat e tyre dhe kështu do të bëhet analiza se çfarë duhet bërë me tregjet sidomos me përhapjen e variantit DELTA nëpër botë.
Kompanitë që do të mbijetojnë do të jenë ato që mund të përballen me presionet e kostove të larta.
Media dhe shitja me pakicë e ushqimit janë ndër industritë më rezistente ndaj një shtrëngimi marzhi.
Firmat e ekspozuara ndaj kufizimeve të furnizimit me çip mund të dëmtohen më shumë nga kostot në rritje. Sektori i automjeteve dhe i pjesëve, mund të duhet të ulin parashikimet e tyre të vitit 2021, në mungesë të gjysmëpërçuesëve.
Ndërsa ka shumë kërkesa të mbyllura në të gjithë ekonominë, është ende e paqartë nëse rritja e kërkesës do të tregohet e qëndrueshme, tha Charles Glasse, menaxher i Fondit Europian të Rritjes së Dividendëve Waverton. Rezultatet nga prodhuesi i makinave Volkswagen AG panë një reagim të kufizuar të tregut, pasi investitorët spekuluan që rritja e kërkesës mund të mos durojë”,-tha ai.
