Lulzim Basha duket se nuk ka pasur fuqi për të ndaluar pjesëmarrjen e Sali Berishës në Kuvendin Kombëtar të PD.
Mbërritja e tij në Pallatin e Kongreseve ku po mbahet mbledhja ka bërë që militantët e pranishëm të shpërthejnë në ovacione për të.
Pjesëmarrja e tij u shoqërua me vërshëllime të shumta dhe thirrje “Berisha, Berisha…” apo “O Sali o hero, Shqipëria ty të do”.
Partia Demokratike ka nisur këtë të shtunë mbledhjen e organit më të lartë vendimmarrës të saj, Kuvendin Kombëtar.
Fjalën hapëse të kësaj mbledhje e ka mbajtur kryedemokrati Lulzim Basha ndërsa më pas do të japin mesazhin e tyre edhe 19 drejtuesit politik të Partisë Demokratike.
