Anglezët u treguan arrogantë ndaj rivalëve të tjerë, ndërkohë që Lotar Mateus i kthehet ende vajzës së vogël gjermane që u cilësua si “naziste”
Reagimi i kryeministrit britanik Boris Xhohnson, për sjelljen e keqe të tifozëve anglezë, ishte dëshmi e një tejkalimi të qëndrimit nga ana e tifozerisë së “Tre Luanëve”, diçka që kulmoi në mbrëmjen finale të 11 korrikut.
Pra ndaj anglezëve pati shumë akuza dhe akuza e radhës vjen nga 43 tifozë danezë, të cilët kanë firmosur një raport në të cilin thuhet se “kemi rënë pre e dhunës dhe e ngacmimeve të tifozëve anglezë.”Ata thonë se u rrahën brutalisht gjatë gjysmëfinales së Euro2020 të zhvilluar në “Uembli”. Për më tepër, ndër episodet më domethënëse ishte ajo e një djali 9-vjeçar që u vërshëllyen dhe ngacmua vazhdimisht, ndërsa babai i tij u godit me grusht në stomak.
Ngjarjet e pakëndshme nisën në shkallët e impiantit mitik londinez, për të vijuar edhe në ambientet e jashtme. Ndërkohë, Që gjermanët dhe anglezët janë rivalë në futboll kjo dihet, por Lothar Matheus është nga ata që nuk ngurrojnë të vënë gishtin në plagë edhe pas disfatës së 3 Luanëve në finalen e Europianit, të pësuar nga pika e bardhë e 11 metërshave kundër Italisë.
Ish kampioni gjerman, gjithmonë shumë i ashpër kur flitet për Anglinë, edhe këtë herë është i drejtpërdrejtë në arsyetimin e tij. “Tifozët anglezë ishin armiqësore me atë vajzën e trishtuar ne fanellën e Gjermanisë”. Matheus kujton episodin që ndodhi gjatë Angli-Gjermani me tifozen e vogël të “pancerave” që qante kur rezultati ishte 2-0 për skuadrën e Sauthgejt, dhe nuk ndalet këtu.
“Portierin e Danimarkës Kasper Shmajkel e shënjestruan me lazer gjatë goditjes së një penalltie që Rahim Sterling e fitoi duke u hedhur. Të gjitha këtyre ju shtohen edhe sjelljet raciste në drejtim të lojtarëve të tyre pas finales. Të dashur anglezë, ishte një sjellje anti-sportive që nuk duam ta shohim më.
Më vjen keq për lojtarët, por anglezët e meritojnë traumën pas finales të humbur me penallti”, nënvizoi Mateus, i cili fitoi me Gjermaninë Botërorin e vitit 1990 të zhvilluar në Itali. Duhet thënë se Mateus konsiderohet si një prej lojtararëve më të mëdhenj të futbollit gjerman. Ndërkohë, policia Angleze arrestoi katër persona që kanë lidhje me mesazhet ofenduese në internet ndaj futbollistëve të “Tre Luanëve”.
Bëhet fjalë për futbollistët Markus Rashford, Jadon Sanço dhe Bukajo Saka dhe lajmi i arrestimit të këtyre personave u konfirmua gjithashtu edhe nga Njësia e Posaçme e Policisë për Futbollin në Mbretërinë e Bashkuar, që ishte marrë edhe me hetimin paraprak të këtyre njerëzve.
