Kryeministri Edi Rama është shprehur se Policia do të ketë kamera në rrugë e sy në qiell dhe do informohet për çdo rrënjë kanabisi.
“Është e turpshme, që t’i themi me fjalët e duhura. Nuk jemi mbledhur këtu që të bëjmë balance suksesi, jemi këtu për të vënë gishtin në ato plagë që ju drejtuesit e Policisë duhet t’i rregulloni me shpejtësi.
Policia ka një flotë të re mjetesh. Jemi duke punuar më në fund që të realizojmë monitorimin me kamera që të shtrohet në të gjithë territorin.
Po ashtu edhe vënien në dispozicion të Policisë së Shtetit me dronët e teknologjisë së fundit, duke pasur një sy në qiell që të jape informacion për çdo rrënjë kanabisi, për çdo gjë, për çdo cënim pyjor, tokë bujqësore, lumë, pyll e kështu me radhë”, deklaroi Rama.
