Zgjedhja e një shqiptari në Shërbimin Inteligjent Grek pa pasur nënshtetësinë e vendit fqinj duket se ngjallur një sërë reagimesh në Athinë.
Zyrtari, i njohur me nofkën “Contoleontos” është minoritar shqiptar dhe është zgjedhur “pa konkurs” si kreu i shërbim Sekret Grek në zonën e Epirit.
Gazeta greke “Efsyn.Gr” shkruan sot se partia opozitare Syriza i ka dërguar një sërë pyetjesh zyrës së kryeministrit Qiriako Mitsotaqis duke kërkuar kërkime në lidhje me përshtatshmërinë e agjentit shqiptar dhe kualifikimet e kërkuara për këtë pozicion.
Gazeta greke ka zbuluar disa fakte për minoritarin që nga një konkurs i vitit 2008 duke thënë se ai nuk përmbush asnjë kriter për t’u zgjedhur në këtë post të rëndësishëm dhe duke theksuar se një sërë shqiptarësh janë ngritur në poste në shërbimin e inteligjencës greke.
“Në vitin 2008 ai u punësua në shërbimin sekret grek pavarësisht nga fakti se ai nuk kishte shtetësi greke (i cili ishte një kusht themelor i konkursit për punësimin e 120 agjentëve të rinj). Ne zbuluam se ai mori identitetin grek disa muaj pasi u punësua nga inteligjenca grek, një fakt që ngre pikëpyetje në lidhje me rolin e komitetit tre-anëtarësh që ishte përgjegjës për kontrollimin e ligjshmërisë së kandidaturave”, shkruan gazeta greke “Efsyn.Gr”.
“Një shtetas i huaj, jo anëtar i BE, pa shtetësi greke u emërua në 2008 në shërbimin inteligjent pavarësisht nga kriteret formale që ndalonin rekrutimin e tij . Deri më sot, jo vetëm që nuk është kontrolluar emërimi i paligjshëm, por atij iu caktua gjithashtu një post administrative në Epir”, thekson ajo.
“Midis kandidatëve që paraqitën aplikacionin ishte një minoritar nga Shqipëria. Në periudhën e mëparshme, ai kishte shërbyer në konsullatën greke në Tiranë si përkthyes.
Ai vendosi të provojë fatin e tij në shërbimin sekret, por kishte një problem të vogël, por thelbësor: që ai nuk ishte shtetas grek, nuk kishte asnjë ID policie, asnjë pasaportë greke dhe asnjë certifikatë të statusi ushtarak në Greqi.
Por kjo nuk e pengoi atë të paraqesë kërkesën përkatëse për t’u bërë pjesë e inteligjencës greke. Pot ërkundrazi, kërkesa e tij pranohet dhe 8 muaj më vonë, më 21 Prill 2009, ai bën betimin si punonjës i shërbimit sekret.
Me fjalë të thjeshta, një i huaj, një shtetas i një vendi të tretë, anëtar jo-BE, i cili nuk kishte shtetësi greke, u emërua si një punonjës i përhershëm i Shërbimit Inteligjent grek”.
Media greke thotë se minoritari është i njohur në zonën e Janinës, por edhe që mediat greke e cilëson si Epirin e Veriut.
Gazeta sjell në vëmendje artikullin e një gazete tjetër greke “To Pontiki” më 14 maj 2009, gati një muaj pas betimit të fituesve të konkursit, duke hedhur dyshime se zyrtari shqiptar kishte “lidhje” me ministrin e Demokracisë së Re, Vangelis Meimarakis.
“Në gazetën “Sto Karfi” disa ditë konfirmoi që ai i shkroi ministrit, në një letër drejtuar “këshilltarit special të zotit Meimarakis dhe më pas arriti të bëhej pjesë e shërbimit grek”, shkruan gazeta.
Gazeta greke ngre po ashtu dyshime se në mesin e 120 agjentëve mund të jenë punësuar një sërë minoritarët shqiptarë të cilët janë ngritur që atëherë në detyrë duke mbajtur poste të rëndësishme.
