Presidenti i vendit, Ilir Meta, ka dalë ditën e sotme në konferencë urgjente për mediat. Meta në fjalën e tij ka reaguar në lidhje me ngjarjen e rëndë që ndodhi disa ditë më parë në ambjentet e zyrave të FRD-së.
Presidenti u përlesh fizikisht me forcat e policisë ku nuk mungoi edhe fjalori banal. Ditën e sotme Meta ngren tonet e zërit dhe i kërkoi llogari kryetarit të bashkisë, Erion Veliaj, në lidhje me këtë situatë.
Meta e quajti sulmin ndaj FRD-së, provokim nga mazhoranca.Më tej, presidenti theksoi se selisë së FRD-së, iu ndërpre energjia elektrike, ndërkohë disa nga punonjësit ndodheshin në zyrë.
“Situata e dhunshme që ndodhi në Selinë e Frymës së Re Demokratike dhe sulmi ndaj kësaj force politike vetëm pak ditë pas nënshkrimit të marrëveshjes me partitë opozitare është një tjetër tregues i sjelljes së paligjshme të mazhorancës për të minuar pluralizmin politik në vend.
Ky sulm bie ndesh me të gjitha parimet e shtetit të së drejtës. Të gjitha sulmet janë kryer në kundërshtim të hapur me ligjin. E gjithë veprimtaria e kryetarit të bashkisë është në shkelje të hapur të të gjitha parimeve mbi të cilat funksionon administrata. Në ambientet e FRD-së ishte ngjitur diku në korridoret e saj një letër pa origjinë, pa nënshkrim, me vulë titullari, e datës 3 mars me qëllim që ta bënin këtë të dukej si akt zyrtar për të justifikuar dhunën dhe terrorizimin e kësaj force politike.
Kjo letër përveçse nuk plotëson kriteret minimale të një akti administrativ por nuk citonte asnjë bazë ligjore. FRD i shkëputen energjinë elektrike ndërkohë që kryetari dhe disa drejtues të saj ishin në ambientet brenda. Ky ishte momenti kur kryetari i FRD-së më njoftoi.
Pas kam mbërritur te hyrja kryesore e godinës dera ka qenë e mbyllur nga policët bashkiakë me uniformë apo pa uniformë sikur të ishte skenë krimi. Është hapur dera dhe është lënë të futej vetëm Presidenti i Republikës dhe janë penguar me dhunë dhe forcë stafi i Presidentit dhe disa drejtues të FRD-së. Ky është momenti kur unë kam reaguar”, tha Meta
