Intervista e Harry-t dhe Meghan Markle-s ka tronditur mbarë botën dhe sidomos Pallatin Mbretëror.
Dyshja ka nxjerrë në dritë prapaskenat e errëta të Pallatit, që askush s’i kishte ditur më herët.
“CBS” publikoi raportin pasi transmetoi ekskluzivisht intervistën dhe shifrat ishin të pabesueshme. Televizioni theu rekord pasi kapi shifrën më të lartë të shikuesëve, pasi më shumë se 17 milion ndjekës e ndoqën intervistën live për 2 orë.
Kujtojmë se para fillimit të kësaj interviste, Oprah u konfirmoi shikuesve se Meghan dhe Harry nuk u paguan për këtë intervistë.
“Para se të fillojmë, unë thjesht dua ta bëj të qartë për të gjithë se edhe pse jemi fqinjë … nuk ka pasur një marrëveshje”, tha Oprah.
Ndërkohë, ajo iu drejtua atyre dhe iu tha:
“Ju nuk e dini se çfarë do ju pyes, nuk ka asnjë temë që është jashtë kufijve dhe ju nuk po paguheni për këtë intervistë”.
Edhe pse Harry dhe Meghan nuk janë paguar për të dhënë këtë intervistë, mësohet se transmetuesit kanë paguar shuma marramendëse për të pasur të drejtën për të transmetuar këtë intervistë.
Sipas prestigjozes “Wall Street Journal”, televizioni “CBS” pagoi një tarifë licence rreth 7 milion euro(afërsisht 6,45 milion £) për të drejtat e transmetimit të intervistës së shumëpritur.
