Skandal/ Presidenti Ilir Meta, autorizoi për këtë proces, Këshillatrin e tij Juridik, Bledar Dervishaj, i cili rezulton se gjatë detyrës Drejtor i Pronave Qarku-Tiranë në pushtetin PD-LSI, është dënuar me burg me Vendim të Formës së Prerë Nr.323, datë 30.07.2012; por pas lirimit, me Dëshmi Penaliteti False nr. Nr. 3734/1 Prot., datë 19.05.2016, Ylli Manjani e emëroi Këshilltar Juridik, Drejtor Kabineti e Drejtor Licensash të Noterëve; ndërsa më 2017, Ilir Meta e emëroi Këshilltar Juridik
Shorti i anëtarëve të KED, u hodh nga një drejtor i LSI, dënuar burg për vjedhje pronash
Katër ditë më parë, në selinë e Presidencës, është hedhur shorti për anëtarët që do të drejtojnë Këshillin e Emërimeve në Drejtësi (KED), gjatë mandatit të vitit 2021.
Procesi u transmetua “live” në media dhe rezultoi se ishte transparent; mirëpo mediat qeveritare e ato opozitare, “nuk vunë re” një skandal të rëndë për sistemin e ri të drejtësisë dhe vetë shtetin, me autor Presidentin e Republikës, Ilir Meta.
Skandali është ky:
Përfaqësuesi i autorizuar nga Ilir Meta, që më 4 dhjetor 2020, organizoi, drejtoi dhe mbikëqyri shortin e përzgjedhjes së anëtarëve të rinj të KED; ishte Bledar Dervishaj, me detyrë Këshilltar i Çështjeve Ligjore, Administratës Publike e të Drejtave të Njeriut në Presidencë.
Ky zyrtar i lartë i Presidencës, sipas dosjeve të Prokurorisë, Gjykatës së Faktit e Gjykatës së Apelit-Tiranë dhe Gjykatës së Lartë e asaj Kushtetuese (rekurse), rezulton i dënuar me burg, gjatë detyrës si sh-drejtor i Komisionit të Pronave-Qarkut në pushtetin PD-LSI.
Mirëpo çuditërisht, pas daljes nga burgu u punësua “Drejtor Juridik në LSI”; e më pas, u emërua Drejtor Kabineti i Ylli Manjanit dhe Drejtor Licensash i Noterëve në Ministrinë e Drejtësisë.
Për të qenë në rregull me ligjin e dekriminalizimit, ministri Ylli Manjani e pajisi me Dëshmi Penaliteti False Nr. 3734/1 Prot., datë 19.05.2016; ndërsa prej 3 vitesh, Ilir Meta e ka bërë pjesë të Kabinetit Presidencial, me detyrë Këshilltar i Çështjeve Ligjore, Administratës Publike e të Drejtave të Njeriut.
Komentet janë të tepërta, por duke dëgjuar Ilir Metën, që ulërin e “përbetohet”, në mbrojtje të Kushtetutës, pastrim të zyrave të shtetit nga eksponentët e krimit e korrupsionit, të lind kjo pyetje: – Instituconi që drejton Ilir Meta, është Presaidencë apo “strehë” krimi?/Pamfleti
