Juristi Romeo Kara, nisur nga përplasja mes analistit Agron Gjekmarkajt dhe Endri Shabanit, ka dalë me një reagim të fortë.
Gjekmarkaj e quajti Endi Shabanin shërbëtor të Edi Ramës dhe se partia e tij e re ka për qëllim t’i shpërbej vetëm kryeministrit.
Romeo Kara shkruan se mentaliteti i politikës 30-vjeçare shqiptare është, nëse nuk je me mua, je armiku im. Juristi thekson se pikërisht partitë e reja janë ato që do të kenë synim vendosjen e një drejtësie të paanshme.
Postimi i plotë:
Nese nuk je me mua, je armiku im.
Ky eshte mentaliteti i politikes 30-vjecare, i militantizmit rreth saj si dhe i portavoceve të saj ne media.
Nje portavoce akuzon nje parti të sapokrijuar, se eshte sherbetore pasi po tenton t’i marre vota opozites.
Pavaresisht se une personalisht, nuk kam ndonje vleresim për kete parti te re te sapokrijuar, por te kerkosh ndryshimin e politikes dhe t’a godasesh ate qe në fillim, kjo eshte fyese dhe e pamoralshme.
Si mund të vije ky ndryshim nese nuk do te kemi nje ridimensionim te vete spektrit politik, mendesise politike dhe qasjes ndaj saj?
Si mund të pranojme qe partite e medha, në pushtet dhe opozite, të jene pronare legjitime të perjetshme të nje elektorati të caktuar dhe cdo force e re qe iu rrezikon elektoratin eshte amorale, sherbetore e kundershtarit dhe ilegjitime?
Si mund të pretendojme qe pikerisht partite e medha mekatare prej 30-vitesh do të mund të vetereformohen dhe sjellin ndryshimin e shumepritur, nderkohe qe vegjetojne në nje mentalitet të tille me shume se toksik?
Pikerisht partitë e reja, qe do t’i rrezikojne elektoratin partive të medha, do të jene ato qe do të sjellin ndryshimin.
Pikerisht partitë e reja, qe do të rizgjojne interesin dhe besimin e qytetarit qe nuk voton asnje parti, do të jene ato qe do të sjellin ndryshimin.
Pikerisht partitë e reja, qe nuk do të jene pjella te kesaj politike dhe partive të medha dhe qe do të kene si synim vendosjen e nje drejtesie të paanshme, largimin e kesaj kaste oligarkike, crrenjosjen e pazarit politik, krijimin e shanseve të barabarta, realizimin e rishperndarjes se pasurise etj, do të sjellin ndryshimin.
