Mori vëmendjen e të gjithëve video e vogëlushës që u shpërnda në të gjithë botën pasi u shpëtua nga rrënojat e tërmetit të rënda që u godit Izmiri. Ayda Gezgin është vogëlushja që u shpëtua pas 91 orësh.
Video e shpëtimit të 4-vjeçares përloti të gjithë Turqinë dhe më i hidhur është fakti që Ayda humbi nënën e saj nga kjo katastrofë.Së fundmi këngëtari i njohur Sinan Akçil ka deklaruar publikisht se ai do të mbulojë të gjitha shpenzimet e edukimit të vogëlushes.
“Po pres të takohem me babain e saj. Nëse biem dakort, dua të mbuloj të gjitha shpenzimet e saj të edukimit nga parashkollor deri në përfundim të 8-vjeçares”-tha Sinan.
Këngëtari postoi një foto të Aydas në Instagram dhe shkroi se do t’i qëndrojë gjithmonë pranë sa herë ajo të ketë nevojë. “Ayda me pamje ëngjëlli. Po pres të takohem me babain e saj dhe të gjitha shpenzimet e edukimit do t’i mbuloj unë, do jem gjithmonë pranë teje, të gjithë duhet të bëjnë më të mirë, shpëtimi jot ishte një mrekulli. Zoti i plotfuqishëm i bëftë vend në parajsë nënës tënde”-shkroi Sinan Akçil.
