Në vend që të ishte forca politike e cila festonte për krijimin e një partie të re opozitare e cila do mbidhte flukset e votave që Basha nuk i afron dot, në Republikën e Re të Lulit ka rënë zia.
Një lajm i djeshëm se Jozefina Topalli do shpallte Lëvizjen për Ndryshim, i çmendi fare mediat e Lulit, që filluan sulmet direkte. Asgjë e pa njohur dhe e padëgjuar më parë. Kështu sulmuan Astrit Patozin, kështu sulmuan Majlinda Bregun, Myslym Murrizin, etj. etj. Kështu po sulmojnë edhe Jozefinën.
Në vend që këta përsonazhe politike dhe resurset njerëzore që ata kanë ti merrte në PD, ti bashkonte, të tregonte se ishte i gatshëm të lëshonte dhe të ecnin bashkë përpara për të rrëzuar Ramën, Lulzim Basha vërsul portalet e sufllaqeve të kunatit, mediat e Desadës, dhe mediat që i mbajnë iso për të sulmuarTopallin.
Me një mentalitet krejt komunist dhe të pashembullt, po kritikove “Enverin” e po dole kundër linjës të partisë “pushkatohesh”, dje me plumba sot shkrepin shkrimet në portale, kanë dalë në publik qesharakët e Lulit.
Pse kaq frikë dhe panik?
Mos ndoshta e dinë që Luli do lërë disa mandate rruugës dhe pastaj fillojnë problemet. Qeveri me Ramën s’ka por s’do ketë as Lulzim Bashë kryeministër, e ky është problem thelbësor, Luli do karrigen e tij jo pushtetin për demokratët.
Po çfarë kuptim ka fakti që PD ndjehet më e lumtur pranë Monika Kryemadhit dhe bandës të LSI, apo partive që sollën Ramën në pushtet në vitin 2013, dhe ai tani i hodhi në kosh. Nuk do ishte më e udhës që ndaj ish-elitës dhe senatorëve të saj PD të kishte një tjetër qasje dhe punët mos ishin deri këtu? Sepse vetë Luli thjesht ka “larë gojën” me ftesat e tij kretësisht të pasinqerta dhe totalisht fyese.
Me apo kundër Bashës?/ Kryemadhi nuk po vendos dot…
Po si mund të gjesh qetësi politike me bandë e hajdutë në krah duke mohuar vlerat më thelbësore të qëndrestarëve në PD që nuk fillojnë më pushtetin e Lulit, por në vitin 1997. Apo që në themelimin e saj.
Nuk janë parti të djathta ato që themelohen apo tentojnë të jenë një ndryshim në politikën e treshes dhe sastes aktuale, por janë aleatët e Lulit dhe partia e vjehrrit dhe kunatit të djathta, partia e ish oficerave të Gramoz Ruçit është e djathtë?
Çdo kush ka të drejtë të japë kontibutin e tij brenda kontureve ligjore dhe hapësirave kushtetuese. Lulzim Basha, Ilir Meta apo Edi Rama nuk kanë në dorë fatet e çdo njeriu që mendon se do ndryshojë diçka duke sjellë një lëvizje të re.
Një lëvizje e re apo parti e re është thjesht një alternativë më shumë në skenën politike ku qytetarët mund të zgjedhin, pse duhet të ngelen me një kastë që nuk ndryshon asgjë por thjesht ndan pushtet e shpërndan korrupsion.
LEXO EDHE: Rama-Berisha përtej armiqësisë/Zbulohen mesazhet gjatë bojkotit të PD
Problemi në Shqipëri nuk është dalja e një force të re, ajo është thjesht një mundësi më shumë, por mentaliteti komunist i drejtuesve të PD dhe disa nafijeve mediatike të Lulit është për të ardhur keq.
Dje i luteshin kthehu Topallit, dje i thoshin Sali Berishës ik nga ajo listë, dje komentonin që Basha duhej nxjerrë më shqelma jashtë, dhe kur dikush që në mënyrë tinzare dhe poshteruese është hequr nga elita e një force del me një lëvizje fillojnë ulërimat, sharjet dhe sulmet. Kaq shumë britma e akuza që po ti përdornin kaq shumë vite ndaj Ramës ndryshe do ishte situata.
Një mesazh për disa humbësa/ Pse tremben Lulzimsat nga partitë e reja?
Po punon dhe do dalë me një platformë por nuk mund të japë kontribut e të përfaqësojë vlerat që mendon, sepse kjo si pëlqen Aurelës, Erjonit, Lulit, apo çdo luzimsi tjetër në qarkullim.
Opozita nuk është prona e Bashës as e familjes së tij dhe pasurisë së çmendur që ka vendosur duke përdorur logon dhe foltoren e PD për gjoba, vila në rezidenca luksoze dhe turistike, apo shantazhe siç po bën së fundi me Jozefina Topallit.
Po pse të gjithë armiq qenkan, edhe Topalli, edhe Patozi, edhe Bode, edhe Majlinda Bregu, edhe Murrizi e shumë e shumë të tjerë që kanë qenë elita e PD, të gjithë këta armiq dhe na qenka burrë i mirë dhe goxha politikan Luli me Monën, Gaz Bardhin, Vangjel Dulen, Tim Idrizin apo çetën e Ballinjve dhe servilave që kurrë nuk u ngritën në elitë por ngelen shërbëtorë të vegjël të një oborri të pisët ku llumi dhe lëpirëja është standarti që ofrohet.
Koha ecën dhe përgjegjësinë për humbjen e së djathtës dhe opozitës në Shqipëri e ka vetëm një emër ai quhet Lulzim Basha që për karrigen e tij dhe ëmrat e gruas e familjarëve po shkallmon jo vetëm opozitën por edhe të ardhmen e vendit me ortakërinë e tij me Edi Ramën dhe Ilir Metën./CNA.al
