Presidenti Ilir Meta pasi ktheu në Kuvend për rishqyrtim Kodin e ri Zgjedhor, ka sqaruar dhe arsyet përse e mori këtë vendim.
Në një prononcim për mediat nga Korça, kreu i shtetit theksoi se arsyet se pse dekreti u kthye në Kuvend ishte fakti që të kthehej në shina marrëveshja e 5 qershorit.
“Thirrja e tyre drejtuar presidentit për ta kthyer përsëri në Kuvend këtë akt. Me qëllim rikthimin e aktit në shinat e 5 qershorit, kjo ishte një arsye kryesore për t’i dhënë mundësi tjetër maxhorancë që të reflektojë, të respektojë këtë marrëveshje gjithëpërfshirëse, përndryshe padyshim që do të mbajë një përgjegjësi kritike.
Jo vetëm për këtë precedent të rrezikshëm në 3 dekada në mënyrë të njëanshme dhe për vonesën pa fund të procesit të çeljes së negociatave. Respektimi i kësaj marrëveshje është kusht i padiskutueshëm për BE.”, tha Meta.
