Detyrimi për të mbajtur maska në ambientet publike ka sjellë reagime të ashpra nga ana e ekspertëve të fushës së mjekësisë. Për gati një vit, në të gjithë botën imazhi më i përhapur është ajo e popullatës të pajisur me maska për të parandaluar përhapjen e virusit.
Por ekspertët infeksionistë janë skeptikë në lidhje me efektivitetin e tyre kundër viruseve që vijnë nga ajri, duke deklaruar së e gjithë kjo fushatë po shfrytëzohet për kredo politike. Teoritë konspirative për mbajtjen ose jo të maskës janë nga më të shumtat dhe më të ndryshmet, por ekspertët japin argumente pse nuk duhet të mbahet maska. Ekspertët suedezë hedhin poshtë të gjitha teoritë mbi efektet mbrojtëse që ka ajo.
Konkretisht ishte epidemiologu shtetëror i Suedisë, Anders Tegnell, i cili në një prononcim për Financial Times ai ka rrëzuar krejtësisht idetë se maska të mbron 100% nga virusi, sipas tij e gjithë kjo është një lojë që sa vjen bëhet më paradoksale. “Është shumë e frikshme të besosh se maskat në fytyrë do të ndryshonin lojën kur bëhet fjalë për Covid-19. Në Danimarkë dhe Norvegji, politikanët kanë një rol më të fortë se ekspertët e mjekësisë.
Pasi politikanët në këtë epokë krize duan të garojnë mes tyre dhe po marrin vendime që nuk janë të bazuara në prova, sikur rasti i mbajtjes së maskës me detyrim, që nuk garanton mbrojtje 100%”, deklaroi ai për “Finacial Times”. Sipas tij maska nuk vlen në rastin kur vendet janë të mbipopulluara dhe nuk ka prani higjiene, mbajtja e saj është gabim dhe nuk ka asnjë efekt, por një pjesë tjetër e lojës së qeverive.
“Mbajtja e maskës mund të jetë një plotësim i masave të tjera kur në fakt shumë gjërat të tjera të dëmshme janë të pranishme në vend. Pasi në qoftë se fillon të mbash maskë më pas vazhdon të mbipopullosh autobusët dhe qendrat tregtare ky është padyshim një gabim. Po të kujtojmë këtu dy raste konkrete, ku vende si Belgjika dhe Spanja edhe pse me përdorim të gjerë të maskave ende kanë rritje të nivelit të infeksionit”, theksoi ai.
Reagon eksperti amerikan
Por në të njëjtën linjë ka qenë edhe eksperti amerikan. Dr. Connor Bamford i Institutit për Mjekësi Eksperimentale në Universitetin Queen’s Belfast deklaroi për BBC se deri më tani nuk ka asnjë provë që të tregojë se mbajtja e maskave të mbron nga virusi. Sipas tij masat më të mira mbeten higjiena dhe distancimi fizik. “Mbajtja e maskës kirurgjikale në publik nuk është një mënyrë efektive për të mbrojtur kundër viruseve dhe baktereve të ajrit.
Edhe pse mendimi është se mbajtja e një maske kirurgjikale në publik na mbron nga virusi, nuk ka asnjë provë për këtë. Maska kirurgjikale luan një rol në dhomën e kirurgjisë. Mbulimi i gojës, larja e duarve dhe shmangia e prekjes së gojës me duar zvogëlon shumë rrezikun e çdo infeksioni dhe viruseve të frymëmarrjes”, u shpreh Bamford.
Ja cilat kategori nuk duhet të mbajnë për asnjë arsye maskë
Në shumë vende të botës maska është kthyer në detyrim. Mirëpo, një studim i fundit shpjegon se maskat për fytyrën nuk duhen të përdoren nga tre kategori njerëzish. Ekspertët e CDC në SHBA shpjegojnë se maska: nuk duhet të vendoset te fëmijët më të vegjël se 2 vjeç, nuk duhet të vendoset tek persona që kanë mungesë oksigjeni, nuk duhet të vendoset maska tek persona që janë të pavetëdijshëm dhe me aftësi të kufizuara. Sipas ekspertëve edhe personat që janë astmatikë mund të mbajnë maskë, por jo për shumë orë.
