Pas botimit të djeshëm të poemës për Margarita Tutulani, nxjerrë nga cikli “Alarme të Përgjakura” të Fatos Arapit, disa familjarë të tij janë alarmuar, pasi Ilir Meta ka filluar të pyesë për Fatos Arapin dhe t’i japq dekoratë.
Në letrën drejtuar Bilushit të Metës, familjarët shkruajnë:
“Prej dje mbasdite jemi të shqetësuar nga telefonata që marrim nga zyra e presidentit, që kërkojnë të dekorojë poetin Fatos Arapi lidhur me poezinë e tij për Margarita Tutulanin.
Së pari, i bëjmë me dije zotit president, se ka më shumë se një vit e ca që poeti kombëtar Fatos Arapi ëshë ndarë nga kjo jetë dhe presidenti mund ta kishte përdorur atë rast për ta dekoruar.
Meqë atëhere nuk u kujtua, tani nuk duam të na shqetësojë për këtë çështje.
Së dyti, nëse presidenti kërkon të dekorojë poetin për veprimtarinë e tij artistike, ai ka një vepër letrare shumë më cilësore dhe të arrirë, se sa poezia për Margaritën, prandaj për këtë duhet të flasë me ekspertë të letërsisë.
Së treti, Fatos Arapi nuk ka qenë i angazhuar politikisht me asnjë parti, përveçse ka mbështetur Petro Markon kur formoi Partinë Republikane, me Sabri Godon.
Ndaj në këtë pikë, nuk duam të përdoret zoti Mediu si ndërmjetës.
E themi këtë, pasi jemi të çuditur se si ai njeri mund ta ketë gruan me PD, vetë me Partinë Republikane, kunatin me KQZ, dhe shoqen e ngushtë me PS.
Së katërti, duam ta paralajmërojmë zotin Meta se, pavarësisht se në poezi Fatos e quan Margaritën “shoqja ime moj, motra ime moj”, ai nuk e ka njohur atë nga afër, ndaj të mos torturojë familjarët duke e pyetur si ka qenë Margarita, se çfarë përshtypje kishte Fatosi për të.
Së pesti, jemi të detyruar ta paralajmërojmë zotin Meta se mos merr ndonjë aktor teatri dhe e paraqet si nip të Fatosit, dhe i jep dekoratën, siç bëri me të ndjerin Vojo Kushi.
Me vlonjatët nuk ndahet mirë sherri për dekoratat.”
