Në Festivalin e Filmit në Venecia, aktorja Tilda Swinton, ndërsa po ecte në tapetin e kuq nxori nga çanta një maskë dhe e vendosi, a thua po vendoste vëthë apo një aksesor të rëndomtë.
Kjo gjë i acaroi ndjekësit e saj të cilët thonin se ajo lloj maske nuk ka të bëjë me pandeminë, por dizejnuesi i saj, James Merry tha se maska ishte thjeshtë simbolike, për të treguar ndryshimin e madh dhe që bota e modës më në fund e ka pranuar maskën si pjesë të sajën.
Javën e kaluar Lady Gaga ndërroi aq shumë maska në VMA duke filluar nga një ngjyrë rozë nga Cecilio Castrillo, maskë me brirë apo dhe maskë që dukej sikur vinte nga një botë tjetër.
Të gjithë po mundohen të përdorin maskën në mënyra të ndryshme e tani duket sikur moda po shkon shumë larg, duke e bërë të veten dhe ndoshta duke e lënë mënjanë faktin se maska në të vërtetë është për qëllime të tjera.
“Le ta shohim si aksesorin e ri të modës”, tha dizejnuesja Patricia.
Ajo tregoi se ka disa lloje maskash dhe ashtu siç zgjedh çdo aksesor tjetër që shkon me veshjen e saj, ashtu zgjedh dhe maskën.
E ndërgjegjshme për banalizimin e pandemisë dhe papërgjegjshmërinë në përdorimin e maskave, Patricia vazhdon të mbrojë industrinë duke thënë se kjo është mënyra e vetme për të shpëtuar botën e modës në këtë periudhë dhe vendimi për të riskuar i duket i arsyeshëm.
Në janar kur Billie Eilish eci në tapetin e kuq të Grammy-t me një maskë të zezë dhe të artë nga Gucci u interpretua në përgjithësi si një vazhdim i çudisë së stilit të ftohtë që ajo demonstron dhe kur Off-White nxorri në treg tetë maska si pjesë e koleksionit të Pranverë-Verë 2020 në mars, efikasiteti i maskës si masë mbrojtëse po vihej në dyshim.
Por ndërsa muajt vazhduan dhe pandemia u bë pjesë e jona pasi nuk kishte shpresa se do të mbaronte shpejt, qëndrimi ndaj keqpërdorimit të maskave filloi të ndryshonte.
Tashmë janë njerëzit që kërkojnë maska të guximshme dhe të çuditshme. Në prill “Etsy” shiti 12 milion maska dhe në të njëjtin muaj, maskat e Off-White u bë aksesori më i kërkuar sipas Lyst.
E çuditshme është se vetëm tani vonë kanë filluar markat të mendojnë seriozisht për përfshirjen e maskave në modë pasi në muajt e parë ishin vetëm Prada dhe Louis Vuitton që prodhonin maska kirurgjikale për mjekët dhe intfermierët, ndërsa markat e tjera nuk po merresheshin fare me to.
“Në fillim nuk kishte asnjë rëndësi maska ndërsa tani po bën kërdinë, ndoshta dhe sepse e kanë kuptuar të gjithë se do jetë për një kohë të gjatë me ne.” tha stilisti Thomas Finney.(The Guardian, “Si”)
