Ish-deputeti i LSI-së, Vangjel Tavo, i ka bërë thirrje qeverisë që të bëjë falas vaksinën për Covid-19 te qytetarët.
Në një reagim në rrejte sociale ai shkruan se është detyrë e qeverisë që shpenzimet të mbulohen nga Fondi i Sigurimeve Shëndetësore.
“Vaksina kundër koronavirusit, falas në Maqedoninë e Veriut. Ja një qeveri e përgjegjshme dhe transparente. Mori masat e duhura për shtetasit e saj.
Çfarë po bën qeveria jonë për vaksinat e gripit dhe Covid?
Apo ka ndërmen t’ua shesi shqiptarëve siç po bën me testin? 120 euro për tampon. Duke i zhvatur shqiptarët edhe në ditët më të vështira.
Testimet duhet të jenë falas. Vaksinat duhet të jenë falas. Është DETYRË e qeverisë. Të mbulohen nga Fondi i Sigurimeve Shëndetësore.
Papërgjegjshmëria që shoqëroi qeverinë në përballimin e pandemisë, të mos vazhdojë dhe të mos rrezikojë më jetë njerëzish!”- shkruan Tavo.
