Reforma në drejtësi, thirrjet e ish-deputetëve të Partisë Demokratike për protesta për shkak se kryeministri Edi Rama pranoi që të hapë listat dhe heqë koalicionet parazgjedhore, raporti i Komision-it të Venecia për vakancat në Gjykatën Kushtetuese dhe shkarkimi i presidentit Ilir Meta, zgjedhjet e ardhshme parlamentare dhe organizmi i PS, kanë qenë disa nga çështjet për të cilat ka folur deputeti i Partisë Socialiste, Bujar Çela.
Ky i fundit gjatë një interviste për gazetën “SOT” u shpreh se reforma në drejtësi nuk ka kthim pas, ndërsa theksoi se mazhoranca dhe ndërkombëtarët janë garant i saj. Në këtë kontekst, teksa u pyet për deklaratën e ambasadores së SHBA në Tiranë se kush kërkon të “vrasë” reformën në drejtësi, zoti Çela foli pa dorashka, duke akuzuar hapur ish-kryeministrin Berisha dhe presidentin Meta si armiq të saj.
“Res-pekte për partnerin tonë më të madh në rrugën e in-tegrimit dhe në veçanti në kontributin në reformën në drejtësi, ku e ritheksoj se pa kontributin dhe prezencën e tyre të gjithanshme as do të ishte nisur dhe do bëhet kurrë nga ne të vetëm. Ka shumë që mundohen ta vrasin, por ne si PS nuk do t’ju japim këtë mundësi. Ne si mazhorancë që kemi dhënë kaq shumë për këtë reformë të reformave, nuk do ta lejojmë zhbërjen e saj.
Ka shumë që mbase nuk e duan, por jam në gjendje të përmend dy kokat e hajdutërisë dhe krimit atë e bir shpirtërorë “Beri-sha-Meta””, deklaroi ai. Më tej, duke komentuar organizmin e PS për zgjedhjet parlamentare, zoti Çela rendit edhe arsyet se përse Partia Socialiste do të marrë një mandat të tretë qeverisëse, ku sipas tij, qytetarët janë të mençur dhe nuk duanë më që të votojnë modelin e ofruar nga treshja “Berisha, Basha dhe Meta”. “Gjithmonë një ekip-strukturë e organizuar sikundër është Partia Socialiste e Shqipërisë mendon për ndeshjen e radhës. Dhe në këtë momente jemi të fokusuar tek fushata e 2021.
Qytetarët tanë i kemi aleatë dhe gjyqtarë shumë të mirë. Besimplotë në drejtësinë e tyre dhe nuk besoj, madje s’ka asnjë qytetar që ta ketë marrë malli për gjakun e derdhur nën drejtimin e Berishës, gjumin e Bashës dhe vjedhjet spektakolare të Metës, etj. Rrugët, investimet në bujqësi, arsim e shëndetësi dhe reforma në drejtësi, etj. kanë fytyrën tonë dhe bëjnë atë që qytetarët që duan Shqipërinë do votojnë programin dhe kandidatët e PS”, nënvizoi deputeti i PS, Bujar Çela.
